新記煲仔雞粥 (Closed)

入元朗探朋友，天氣又凍番，朋友仔話食粥，其實我好少食粥，試下又得啫。黎到新記煲仔雞粥，係傳統風味既粥店。好，坐低睇有咩好食先。貴妃雞豬潤粥，應該係呢度既主打，個粥底有好濃既雞味，仲有好多雞件，落足料，好味！黃鱔粥，我對上一次食，應該係小朋友既時候，唔係度度有黃鱔粥食，鱔肉爽脆，其本上無骨既，不過都要小心食。香脆炸炳，我喜歡用滑滑腸粉包住油炸鬼，感覺冇咁Dry。炸蘿蔔糕，真係炸到熱辣辣上碟，外脆內軟，正！柑桔蜜，呢個係咸柑桔黎架，有少少喉嚨痛，啱晒。菊花蜜，甜甜地，夠滋潤。