Video
Read full review
2021-01-11
71 views
前日星期六中午收工，經過紅磡黃埔街附近想搵野食，經過呢間門口睇落裝修企利，午餐價錢又唔算太貴，選擇又多，所以走入去試下。第一次試既西餐廳當然要鋸個扒睇下質素如果，點左個午市既西冷扒餐，要5成熟配飯，跟餐湯同一杯熱飲，68蚊算係比較普遍既價錢。可惜我睇漏左另外有個小餐牌可以優惠價加配小食，啲款式好似好吸引，下次可以加黎試下。首先黎左個餐湯羅宋湯。話說我都係聽到隔離枱問人，我先知原來有白湯可以選擇，不過侍應幫我點餐時冇問過我要白湯定紅湯。講番個羅宋湯，首先一上枱碗湯已經灘凍左，得番少少暖，唔夠熱，何況當日天氣凍自然想飲碗夠熱既湯。其次係用黎飲湯既匙太大隻，用黎飲湯有啲奇怪。不過碗湯既味道係有既，酸勁唔錯，配有好多蔬菜，不過就搵唔到牛肉。跟著就上個西冷扒跟飯啦。舊扒既顏色比較啡色，我唔肯定舊扒係咪煎既時間多油得制，定係煎完再炸過黎，不過應該係冇入過焗爐。總之出黎既口感同出面既餐廳扒房都好唔同。要求係5成熟，睇顏色感覺就過熟，不過咬落去還可以接受，唔算太韌。至於味道又個人覺得過咸，應該係醃料比較重，蓋過晒啲牛肉味。以呢舊西冷扒呢評分的話，只可以話係中規中矩。價錢相近的話可以搵到其他餐廳既西冷扒
第一次試既西餐廳當然要鋸個扒睇下質素如果，點左個午市既西冷扒餐，要5成熟配飯，跟餐湯同一杯熱飲，68蚊算係比較普遍既價錢。可惜我睇漏左另外有個小餐牌可以優惠價加配小食，啲款式好似好吸引，下次可以加黎試下。
首先黎左個餐湯羅宋湯。話說我都係聽到隔離枱問人，我先知原來有白湯可以選擇，不過侍應幫我點餐時冇問過我要白湯定紅湯。講番個羅宋湯，首先一上枱碗湯已經灘凍左，得番少少暖，唔夠熱，何況當日天氣凍自然想飲碗夠熱既湯。其次係用黎飲湯既匙太大隻，用黎飲湯有啲奇怪。不過碗湯既味道係有既，酸勁唔錯，配有好多蔬菜，不過就搵唔到牛肉。
跟著就上個西冷扒跟飯啦。舊扒既顏色比較啡色，我唔肯定舊扒係咪煎既時間多油得制，定係煎完再炸過黎，不過應該係冇入過焗爐。總之出黎既口感同出面既餐廳扒房都好唔同。要求係5成熟，睇顏色感覺就過熟，不過咬落去還可以接受，唔算太韌。至於味道又個人覺得過咸，應該係醃料比較重，蓋過晒啲牛肉味。
以呢舊西冷扒呢評分的話，只可以話係中規中矩。價錢相近的話可以搵到其他餐廳既西冷扒可以做得好少少。不過呢間餐廳仲有好多類型既野食，好以試多幾款先再總結評價。
比較滿意既就係服務同杯熱咖啡~
Post