BBQ Chicken Premium Chicken (Closed)

黎到韓式炸雞專門店，點可以唔食炸雞? 作為炸雞既忠實愛好者，早已厭惓左肯德基既炸雞，見到有炸雞專門店，又點可以唔試一試? 係無窮既期待同執念下，我踏入左依間，bbq chicken. 點左一客三式炸雞拼盤.三色炸雞拼盤，三色，即是橄欖炸雞，秘製炸雞，以及辣醬炸雞. 各位朋友要小心，因為，辣醬炸雞真係幾辣，首先，正宗的韓式辣醬本身已經辣，而且佢既味道十分特別，是先甜後辣的，初時先嘗到一陣開胃的甜味，然後是猛然裂開的香脆炸雞和嫩滑雞肉，這時，韓式辣醬和雞肉醃好的辣味才徐徐而至，點燃我的舌頭，哇哇哇，不過辣得過癮.食左個較辣的，再食一個橄欖炸雞試一試，原本幾擔心，因為本人唔鍾意食橄欖，但原來橄欖炸雞的意思是拿橄欖油來炸，會較為健康，頗貼心，原本以為食炸雞一定好肥膩啦，點知炸雞都有健康版，當然不可不試. 咬落去，表面較為乾身，但仍然很香脆，內裡雞肉嫩滑味美，咀嚼之下，仍不覺有一般炸雞的很重的油味，是輕盈版的炸雞.秘製炸雞有一種特別的香味，微辣惹味，亦是炸得外脆內嫩，我較為鍾意這一種. 貪佢有點辣味幾惹味，但又未到非常之辣.總的來說，高水準的炸雞，口味很多，食得好滿足.