Lava Java 咖啡西餐廳 (Closed)

是日週末想選擇份量比較輕怡午餐。餐廳入內光潔明亮，陽光之下進餐心情特別好。叫咗個香蒜海蜆意大利粉，好食嘅意粉製作可以好簡單，用蒜頭辣椒鹽胡椒可以已經好好食，呢個意粉用煎過嘅蒜片加蒜蓉同切碎辣椒再加鹽調味，意粉本身好惹味，海蜆相比之下就比較清淡。依家時興egg benedict，同伴唔多肚餓叫咗個泡菜豬肉egg benedict，芝士香濃軟滑，加上半熟蛋泡菜豬肉菠菜同muffin，材料豐富色彩繽紛，週末食用提升心情。三眼仔green tea latte造型可愛，真係唔捨得搗佢。另加甜品紅莓芝士蛋糕口感實淨，似new york cheesecake，紅莓同芝士味輕淡，可以再濃啲。