Cafe 1950歐陸餐廳 (Closed)

今日同女朋友黎到1950cafe之前都聽人有推介過依間餐廳咁岩又黎到大圍 就特登搵左依間餐廳首先叫左個沙律，溫泉蛋煮得岩岩好仲好水汪汪咁沙律菜都算新鮮另外仲有白酒煮蜆同埋星期一限定既1蚊鵝肝味道都正正常常，可能友人推介既時候講得大好，令期望太高其次呢就食左三個主菜，德國咸豬手，芝士拉豬肋條同埋咖哩芝士雞飯。當中最好食既就係個飯，淡淡既咖哩芝士味再加埋熱辣辣既石鍋，又容易入口，又好味道。豬手方面，原隻豬手咁上台，仲幫我地切好哂，塊皮非常的脆，配上一啲開胃既酸菜，所以都唔怕會「流」芝士拉排骨，係最近最hit既韓菜，依度都有，而且味道都唔差，芝士好多，以鐵版上，熱辣辣，真係可以拉到一絲絲，不過排骨汁都多左啲，就變左芝士無咩味另外依度又有遊戲玩，又可以自己攞野任飲。