養心麵 (Closed)

放工打波前諗住食小小野，唔想食得咁heavy就諗住食個麵，於是就同朋友黎依度食反個台式車仔麵，之後再去打波。 依度車仔麵特別之一就係湯底，同依排開到好多分店既養心殿係同一集團。所以有美人湯可以做湯底。個人覺得美人湯係比較清，無咩味精，唔似得港式車仔麵咁。我就揀左台灣關廟麵。配料就有牛展，生菜同埋魚蛋。相比其他車仔麵店，雖然係貴小小，價錢係48蚊，但係就比較乾淨，而且牛展份量係幾多，魚蛋有8粒，都唔錯。 朋友叫個碗就好港式，幼麵配豬皮、魚蛋同埋牛腩。