素年 (汝州街)

Open Now

Now Closed

知道「素年」在深水埗開了分店，馬上相約朋友再光顧。新店裏裏外外都行文青風格，還放置不少本港特色的懷舊擺設，真係感到莫名的舒泰。再睇睇餐牌，食物選擇新穎，行輕食路線，正合我們細食 keep fit 的女士們。我猶豫了好一陣才選好餐，餐內包括有主食和飲品。日式豆腐竹炭漢堡配薯片漢堡原先跟番薯條，但店員説番薯條暫時售罄，會用薯片來代替，起初我有點失望，因為上次光顧時食過番薯條十分美味，今日都想再點。誰知送來時見到薯片不但用心切成螺旋粗片型，還炸得香脆可口，真係不會輸給番薯條。另外，竹炭漢堡烤得剛好不會乾，中間夾有兩片炸得甘香酥脆的豆腐，上面灑有微甜的燒烤汁和放有紅蘿蔔絲和牛蒡絲，底部還有清爽生菜，配搭上十分豐富，食下去脆身爽口，ㄧ點負擔也沒有，食多ㄧ個都冇問題。不可能泰式捲餅配烤雜菜這件泰捲帶有辣味，捲餅內包有素肉、紅椒、露筍、生菜，口感豐富扎實亦很惹味。碟旁還有烤雜菜和自制微辣蛋黃醬，配搭十分健康又美觀。凍黑豆茶淡淡的黑豆茶，配合捲餅又可解去舌口上微辣感，又解喝。熱玄米茶陣陣炒香的玄米茶香，飲下去又解膩又暖胃。總括來講，對這間「素年」之食品質素和室內環境都十分滿意，女孩們又多ㄧ個聚腳地。