Route 83 (逸峯商場)

Open Now

Now Closed

啱啱睇完戲，又未夠錢free泊車，打算揾間餐廳食嘢先夠數，見到呢間餐廳相對上無咁頹，就入咗去。跟餐可以揀沙律or 餐湯，一人各一樣，沙律正常，餐湯好飲，唔係普通嗰啲紅白湯，推薦飲湯。巴馬火腿火箭菜薄餅$98，分開咗8件薄餅底，作為輕食，呢個pizza幾啱作為前菜，巴馬火腿唔孤寒，都砌得好靚，鍾意佢薄餅底夠脆身。芝士焗龍蝦配龍蝦汁意大利粉$108，龍蝦大大隻，蝦肉爽身彈牙，有少少似龍蝦伊面🤭意粉反而多汁鹹香，唔錯！餐飲杯奶茶好香滑，我就鍾意茶味濃啲，而先生杯咖啡係即磨咖啡，比茶記咖啡飲落，唔同級數，呢杯唔錯。