德國餐廳 (博文街) (Closed)

今日下午茶吃得太飽，夜晚又約左朋友聚聚，好彩咁啱見到間德國餐廳，唔肚餓都可以叫下小食送啤酒，輕鬆啤一啤。門口有個大玻璃窗，配彩藍色長椅，好有地中海風格。小店雖然唔大，但坐得算寬敞，磚牆配木桌椅，好適合慢慢飲酒輕鬆下。食物同啤酒飲料既種類都算多，價錢亦好合理。一桶2L既德國啤酒，慢慢自助斟，我揀左Erdinger Weissbier，麥味適中，清清甜甜，好易入口。西班牙風乾火腿配凱薩沙律，份量好足，火腿夠咸香夠薄，芝士粉味道好濃郁，沙律菜都好新鮮。而且店員好親切，笑容十足，有興趣食德國菜既，可以一試。