Top Blade Steak Lab (希慎道)

Open Now

Now Closed

食牛扒大家都會諗去扒房，感覺都係一啲比較高級嘅餐廳，今次嚟到呢一間餐廳，同樣係食扒嘅，格調同氣氛比較輕鬆，燈光比較明亮。餐牌好簡單，有三款嘅牛扒，一款豬，同埋漢堡包，無論叫咩都好薯條都係任食嘅。員工好有心機咁樣介紹佢哋賣嘅每一款牛扒，除咗Menu上面見到嘅款式外，佢偶然都會有一支限量而且唔係Menu上邊嘅選擇。落單後，定時定候佢哋就會拎住一大兜薯條分比每一台嘅客人，牛扒等左十分鐘左右就有得食啦。蒜蓉好香滑好重牛油味，牛扒煎得剛剛好，要幾多成就煮到幾多成，其他配菜就普普通通，預備嘅汁都幾有心思，同牛排一齊食好夾味。牛扒份量真係唔多，但係因為有無限薯條所以都尚算飽。