Video
Read full review
2009-12-20
8 views
要去銅鑼灣行街街，行之前都係要填飽個肚等自己充滿力氣先，來到大坑，想搵間靜靜地既地方坐下，來到京街既角落，就俾我遇到佢 - Cafe on the corner。其實原本都唔係好大興趣，見佢出面個餐牌寫住有omelette同埋hot cake，好似好吸引咁，咁我就入左去啦。入面得三四張檯，仲有張大梳化，唔算好大。我入到去既時候得返門口個張檯，咁我唯有坐個張啦，不過坐正門口好鬼凍呀，係咁食風，所以咁凍天氣真係唔好坐門口位。入到去睇下menu，brunch既menu有 4 款選擇，其中一款係hot cake配幾樣野，另外兩款就係奄列，仲有一款唔記得左。於奄列與hot cake之前猶豫不決，最後都係要左個hot cake set，有杯咖啡跟。佢地整野食野飲既速度非常快，眨下眼杯咖啡就黎到我面前。不過杯咖啡就麻麻地啦，飲落口好淡，幾乎無咩咖啡味，唔似飲緊咖啡咁，總之就係非常淡口。再隔多三四分鐘，野食都黎埋，不過外表麻麻地吸引喎。佢個set有幾樣野，有兩塊hot cake，有腸仔同煙肉，仲有薯角同埋一細碗生果。首先食薯角，非常熱辣辣，真係新鮮整好。食落去好淋，有薯仔味，不過個皮都係偏淋，唔係脆既
入面得三四張檯，仲有張大梳化，唔算好大。我入到去既時候得返門口個張檯，咁我唯有坐個張啦，不過坐正門口好鬼凍呀，係咁食風，所以咁凍天氣真係唔好坐門口位。入到去睇下menu，brunch既menu有 4 款選擇，其中一款係hot cake配幾樣野，另外兩款就係奄列，仲有一款唔記得左。於奄列與hot cake之前猶豫不決，最後都係要左個hot cake set，有杯咖啡跟。
佢地整野食野飲既速度非常快，眨下眼杯咖啡就黎到我面前。不過杯咖啡就麻麻地啦，飲落口好淡，幾乎無咩咖啡味，唔似飲緊咖啡咁，總之就係非常淡口。再隔多三四分鐘，野食都黎埋，不過外表麻麻地吸引喎。佢個set有幾樣野，有兩塊hot cake，有腸仔同煙肉，仲有薯角同埋一細碗生果。
首先食薯角，非常熱辣辣，真係新鮮整好。食落去好淋，有薯仔味，不過個皮都係偏淋，唔係脆既，相信脆D會好食D，而且可以伴埋茄汁就更好啦。腸仔係普通脆皮腸，無咩特別。反而個兩塊煙肉就唔係咁好食啦，好乾身，而且完全唔似食緊煙肉咁，一食落去有食緊臘腸既味道，總之就係好奇怪啦。相反個兩塊hot cake就幾好食，夠香軟，加埋糖漿同牛油，基本上係唔會難食的。個碗生果仔有幾舊橙，一D都唔酸，好甜幾好食。
不過呢度無論飲品食物都真係麻麻地，唔係特別好，環境又頗為迫夾，很難有下次呢。
Post
