Video
Read full review
2015-03-02
1277 views
約舊同事食飯豆利是，全部都“好辣”😅，但最hot & spicy嘅舊阿姐臨時嚟唔到，少咗隻腳靜咗啲…慣例叫到成枱嘢。夫妻肺片有牛肚牛肺，片得可以再薄身啲，小辣但不麻，而且紅油可以更多令顏色更亮麗，食落偏乾身。鴨舌有驚喜，成條全是香辣味，食落腍中帶爽。蒜片牛柳粒炸得鬆化，送住老闆帶嚟嘅私伙紅酒，正！辣子雞，食落少甜帶辣但不麻，皮脆肉酥但偏乾身。碟內的泡椒亦炒得乾身，食落脆身兼滿口香氣。由於星斑賣哂，水煮魚要了桂花魚。窩內有芽菜、闊粉、豬紅，材料豐富，桂魚肉滑溜，但只係小辣不麻，反而配料索哂湯仲惹味。炒苣蒿我覺得食落有啲燶味。上湯大蝦煎米線係為咗病緊嘅我而叫，蝦鮮彈，上湯味濃，米線煎得脆底，味道不錯。桂花糕質感冇過散過實，有桂花香同杞子甜，幾好。由於老闆與店家相熟，送咗3款甜品仲冇收開瓶費加一。甜品糖不甩好軟身，沾滿花生、芝麻、黃糖，好好味。桶裝豆腐花夠熱同滑但冇乜豆味。生果有5款新鮮甜美。後記：雖然病中，都抵不住川菜的誘惑召喚，吃了很多，但真的沒有口唇發麻的感覺。不過又酒又辣的，返到屋企嘔到甩肺…😵
慣例叫到成枱嘢。夫妻肺片有牛肚牛肺，片得可以再薄身啲，小辣但不麻，而且紅油可以更多令顏色更亮麗，食落偏乾身。鴨舌有驚喜，成條全是香辣味，食落腍中帶爽。蒜片牛柳粒炸得鬆化，送住老闆帶嚟嘅私伙紅酒，正！辣子雞，食落少甜帶辣但不麻，皮脆肉酥但偏乾身。碟內的泡椒亦炒得乾身，食落脆身兼滿口香氣。由於星斑賣哂，水煮魚要了桂花魚。窩內有芽菜、闊粉、豬紅，材料豐富，桂魚肉滑溜，但只係小辣不麻，反而配料索哂湯仲惹味。炒苣蒿我覺得食落有啲燶味。上湯大蝦煎米線係為咗病緊嘅我而叫，蝦鮮彈，上湯味濃，米線煎得脆底，味道不錯。桂花糕質感冇過散過實，有桂花香同杞子甜，幾好。
由於老闆與店家相熟，送咗3款甜品仲冇收開瓶費加一。甜品糖不甩好軟身，沾滿花生、芝麻、黃糖，好好味。桶裝豆腐花夠熱同滑但冇乜豆味。生果有5款新鮮甜美。
後記：雖然病中，都抵不住川菜的誘惑召喚，吃了很多，但真的沒有口唇發麻的感覺。不過又酒又辣的，返到屋企嘔到甩肺…😵
Post
