麻辣派對 (金百利廣場) (Closed)

依間餐廳裝修好特別，比較懷舊，周圍掛左好多相，睇落唔似食川菜。坐位好闊坐得幾舒服，而且侍應服務態度好好！叫左水煮鱸魚同麻辣雞鍋，因為本身唔係好食得辣，所以兩個都揀左減辣。水煮鱸魚加左金菇同水晶粉，一上台好香麻辣味！d魚都幾新鮮，又冇咩骨。而水晶粉同金菇索左d湯好入味，又香又辣！好正呀！而麻辣雞鍋就加左蝦同蓮藕，d雞都幾入味，而且切到細細舊好易食。蓮藕麻辣得黎好爽甜！d蝦炸到金香再撈落個麻辣雞鍋，香得黎又有蝦既鮮味，而且又唔會太過咸，正！食完仲有甜品送！貴花啫哩雖然細細杯，但係有清香貴花味，又唔會太甜，仲可以解辣！好細心呀。