煮道 (Closed)

筲箕灣煮道已經開業左一段時間, 但由於午市不置訂位, 之前幾次Lunch經過都要等位所以一直都未試過佢嘅午餐。今日我地一行5人打算去東大街搵食經過門口時, 見難得不需要等位, 即刻走入去試試。😙一開門已經聞到陣陣麻辣湯嘅香味, 每一枱都有客人享用火爐煲緊嘅麵。雖然我地幾個都唔算好食得辣, 但咁嘅環境點都要合群d, 點麻辣湯麵一齊辣辣佢。😝餐廳唔大, 裝修仲係好新淨, 不過通風一般, 午市黎開餐會帶埋d麻辣味返公司。🙊午餐主要食鍋仔麵同碟頭飯, 每一款湯粉麵都會跟鍋仔上枱。鍋仔一邊煮一邊食。呢個麻辣湯對於我黎講實在太辣, 食到汗水鼻水狂流。😰牛肉賣相比較好, 同事一樣食到汗水狂流。🙈呢個腸蛋餐肉米線感覺配搭太普通。不辣同事點左個南瓜湯底, 佢話唔算特別。碟頭牛腩飯份量正常。午市黎講, 40蚊左右價錢好合理, 如果好辣人士值得一試。