煮道 (Closed)

呢間餐廳最後一日營業， 我都係第一次光顧係一個好難忘既經歷， 因為想食麥就冇麥， d丸係好粉， 部隊鍋冇部隊鍋湯底， 都冇哂豬肉， 冇哂匙羹， 冇人收拾張台其實最後一日餐廳唔好開門做生意， 自己開farewell party仲好喇 部隊鍋我食開既部隊鍋係有辛辣麵， 午餐肉， 腸仔， 大葱， 泡菜等呢度食既就已經融入左香港既風味， 有魚蛋， 雞蛋， 芝士， 十分港式。

今天晚上同老公到筲箕灣道試下新野，見到一家用火煱做賣㸃的餐廳 -煮道。我較喜歡吃韓國菜，於是點了個韓式牛肋鍋，當侍應上菜時，嚇了一跳，於菜牌上的様子截然不同，而且鍋上的牛腩仍被冰封着的，鍋上有很多芹菜浸在豉油汁內，與菜牌上紅蘿蔔及牛肋骨截然不同，即問一下侍應是否端錯枱號，他卻説因沒有那些材料，故用這些😤😤本身不是芹菜愛好者，但也說服自己試下味，可能牛腩會好味🤔。但一試之下 - 超咸！！而且牛腩很靭，不易咬！根本沒有韓式料理帶點甜的味道，非常失望！！！！😠😠😠😠吃了一㸃咸到不能繼續！仲要付$98！😩😩

今晚同朋友飯聚，因為第一次食而且有好多選擇，所以混亂左一輪後先可以完成到order，叫左幾種煱某種煱裡面有種叫薑汁皮蛋貢丸好特別好味道，老闆好nice，食得開心

是次買了二張團購劵，一人一小型火鍋。地點較偏遠，今日天氣冷，真係想留在家中，但朋友愛火鍋，一於當港島一日遊。筲箕灣是一個發展了很久的市鎮，因此，好多古蹟可遊，還有不少舊式小商店，好值得支持。電話預約時，店員有禮，加分。到店用餐，也非常有禮，招呼我哋坐下，幫我哋抺枱再解釋點菜方式和選擇。我哋叫了一個牛肉鍋，一個海鮮鍋。湯底最好味，有蕃茄和南瓜，我哋均飲洒。我哋食完餐用了約40分鐘，由於地方太細，我哋唔想阻人做生意，吃完即走了，希望下次有機會再試，這是一間好食店。

打住甂爐食拉麵呢排天氣凍, 要搵d食落去暖笠笠嘢食, 拉麵係一個唔錯選擇. 行過本來想食個拉麵暖下身. 點知上枱發現好似打甂爐咁, 連埋個gas爐一齊上. <<關東香煎雞扒日式拉麵>>未食齋睇賣相已經一流,試下湯底唔錯, 夠熱夠濃, 又唔會得味精味.雞扒煎得真係香, 配菜亦吸引. 拉麵唔太曲身, 但掛湯!有個火爐來食, 唔會怕拉麵凍咗而油膩, 好啱冬天食<<大阪黑豚肉日式拉麵>>呢個清得來, 更加食到湯底真味. 黑豚肉滑口而脂肪分佈適中, 非常鬆化!! 價錢仲要送嘢飲, 下午茶又減5蚊. 食完仲可以儲印仔, 夠10送1. 真係有誠意的街坊店!! 裝潢就一般d店內貼有師傅攞獎相片同報導. 門口見佢打甂爐唔貴,下次要試埋佢!! 

髮型師介紹嚟公仔面 試左之後覆卓食左4，5次comment就有好有唔好！食物：公仔面： 幾好唔錯 我buy個蕃茄湯底！口水雞： 個麻辣底我好歡喜 己覆卓3次！牛肉鍋：比較失望 d料一般 好似唔點吸收到個湯d味 唔識形容 但差唔多價錢我會去食吉x家 提意送個芝麻醬配搭下 仲有加個公仔麵要10蚊 飯同米線就免費 好似有點那個牛腩飯： 未食過 不過聞到隔鄰 好香!提意可以加d小食價錢：真心講午餐同下午茶算係咁 午餐40 下午茶35 未計加錢凍飲 只係我想講我西貢返工下午茶食個雞脾沙律都唔係呢個價今日第一次食晚餐 麻辣雞都係收返午餐價40 仲想點？環境：幾好幾舒服 不過講真 香港咁 多人 租金又咁 貴 咁既價錢12點至2點呢d時間坐迫d感覺好似想趕客真係無可口非份量：敗筆 作為一個正常男仔 食完真係唔飽 上次嚟食飯隔離枱order叫多飯嚟到都係差唔多 2個大男人幾啖掃哂d飯如果係成本問題 提意加幾蚊好過食唔飽服務：呢個真係睇人仲記得第一次食係下午茶時間有個女服務員好細心同一對夫婦介紹左好耐因為個老公好似唔食得辣定點 唔係太聽得好清楚個waitress好耐心咁講左好耐 讚第2次單拖去食鍋想加個麵

這間食物多選擇，味道可口。位於筲箕灣地段交通方便。可以不防過來品嚐一下。🤗現時只有兩間分店，希望可以在第二地區開分店，可以去度邊都可品嚐到又可以火鍋又可以叫餸食飯。

開左幾個月，諗住咁近咪試下！叫左個麻辣水煮牛同麻辣雞煲，點知上枱一試味係就係水煮，不過係用清水煮，完全唔辣，d肉又老，hea 到無朋友，叫佢加辣就俾左所謂「得獎」辣醬，辣係辣不過唔夠香口，可能係本人唔識欣賞，所以加左少少有番d味就算啦！麻辣雞煲就好少少，有d辣味，不過都係食唔落口，不過食完真係好似無食過野一樣，完全唔想/唔會再去食囉！仲要話係美國有總公司，都係番美國🇺🇸算啦，香港呢個美食天堂唔岩你玩架啦！

今日第一次去食, 訂了位所以不用等候, 店長及店員服務很好, 不停問我食品如何, 可能剛開業不久, 想聽客人議見, 坐位雖然有點迫, 因地方不大是可以理解的。今晚食了麻迎辣雞煲, 可選BB辣、大中小辣, 都算ok, 還有蕃茄濃花甲蟹煲, 湯濃而且味道很好, 但價錢有點貴$168, 但晚市飯只需$44, 加$2就有汽水, 這價錢很合理。還送了奬賞咭, 晚市、午市各儲足10個印花就有一個免費。

上網睇食評, 見都唔少人食, 一於去試下。一入去, 好似茶餐廳咁, 座位比較迫。而且店員不算太有善, 有點趕客。lunch布好多選擇, 而且價錢都唔貴, 我地揀左一人一窩, 黎到賣相認真麻麻。大家樂都比佢好。火鍋料好少, 肉得幾片, 而且劣質肉。牛肉好"鞋", 只得雪味。 配料只有菜比較好多, 好似無咩野食咁湯式係正常既, 但唔好味。加左錢要鳥冬, 一黎我已經放入去煮, 但未煮熟個火都熄左.....唉...基本上我食左好少就放棄了! 太難食!

食物一般，感覺自己係透明的，望住個餐牌十幾分鐘都唔知食乜好，又叫唔到人問，本來想食火鍋但最後草草叫了一個飯算了，中伏一次夠了，應該冇下次！希望佢快D換個第二間食店就好喇

煮道係筲箕灣應該開左幾個月？今日特登捉左同事陪我去試新野，餐廳門口標榜廚師拎左中菜那邊的獎項，但menu大致以火鍋為主，為配合多元化發展，也有飯餐提供。America style, 但唔覺係美式飲食，lunch時間在座很多是學生，可能惹味的公仔麵是大家的最愛吧同事1叫左清湯腩飯，炆得入味，唔多筋，口感好，睇樣就知好食，他覺得頗不錯，怪不得廚師拎獎了，下次我想試下麻辣豬手飯蕃茄湯豬肉鍋：配上白飯，有些火鍋配料，真心覺得滾住打邊爐都唔錯，不過也不是特別好吃，總覺得風味大於一切看得出兩者分別嗎？沙爹肥牛公仔麵：好香，以為是一碗碗送上來、點知配埋熱辣辣的火鍋，滾住食，睇到肉質都幾靚，湯底幾好，仲有少少配菜，整個組合食法有驚喜，但承惠$40，覺得抵唔抵就見仁見智當時，我見到同事的公仔麵，已經覺得自己虧蝕左，豬肉鍋多左十多元就係多左打邊爐的丸類，實在太無聊，何不直接食麵食呢總體而言，中菜比鍋食更好，或許仍有進步空間，加油！

大約半年前在上環曾經光顧的一間新派一人一鍋火鍋店，今晚在筲箕灣探訪朋友時發現開了分店，剛巧和友人在路上晃晃然後餓了要找吃，擇日不如撞日，就讓我回味一下這真材實料的火鍋店，先來友善的店員細心講解介紹食材，朋友喜歡牛肉，就經誠意推介點了這韓式牛肋骨鍋，饞吃的我因為不吃牛肉的原故，只能嘗一嘗韓式鍋湯底的味道...是甜甜的，下飯一流友人說牛肋骨肉質柔軟冧冧非常入味，大愛而我選擇自選的新鮮蕃茄湯底配美國黑毛豬肉（湯底有多種選另可選安格斯牛或紐西蘭羊肩肉）自選鍋除主菜外還有很多新鮮蔬菜，玉米，冬菇、肉丸之類的配菜加一碗白飯這頓豐富的晚餐有齊蔬菜，蛋白質和碳水化合物，完全符合我均衡飲食又滿足的感覺！值得一讚是價錢實惠，一佰多元有真材實料的足料火鍋，而且吃得出店主用心製作店員的耐心介紹兼且服務周到唯一美中不足是地方比較狹窄，枱與枱之間空間感較少。

我本身有選舉困難症，坐了十分鐘仍未落order，所以餐廳員工都有過來為我介紹，服務態度熱誠，經他們推介後我點了一個沙爹安格斯牛肉鍋。牛肉鍋到了，員工還提點我小心牛肉太熟口感會不好，值得讚揚。牛肉鍋份量足夠，牛肉很滑，材料合乎水準，沙爹湯底是眾快餐店當中最好的，就是味道太好，我還把沙爹湯加到白飯裡，變成沙爹湯伴飯。價錢不是太貴，一般市民絕對可以接受。唯一美中不足是暫時他們只有兩間鋪，兩間都在港島區。慶幸我是在港島區上班，下班後便可以來嚐嚐，但對於其他人來說可以會比較不方便

住喺附近見新開試下,一試就愛上，食左幾次啦! 一人一鍋好得意, 價錢都ok，平均$100蚊個頭， 標榜安格斯牛肉黑毛豬等， 鍋裡頭除咗有牛肉或豬肉等， 仲有其他配菜 ，無聊數過應該有十幾樣野以上， 仲要 每個鍋跟一碗白飯（飽屎）,都算抵食! 而最 欣賞佢d湯底!好濃郁!唔係水汪汪果隻!讚👍而服務態度非常好, 老闆娘主動行埋嚟介紹點樣點菜,有咩特別鍋款,其他職員又問你駛唔駛加湯加火! 所以唔明樓下有人話態度惡劣?（傻啲嗎?）學佢話齋,大家試吓咪知囉！我就覺得非常好非常滿意!但都有缺點,地方細比較迫,枱太細,晚飯時間唔敢坐太耐,所以之後兩次都係8點半後去!情況會好d,總之keep住會再幫襯!推薦!👍👍👍