麻辣派對 (Closed)

食辣一定要搵岩腳，除左接受辣之外，程度亦不能忽視，食bb辣嘅人食唔大辣，食開大辣嘅食bb辣又無癮。今晚好好彩，朋友口味同我差唔多level，就一齊出席「麻辣派對」嘍！渣甸坊同金百利分店嘅菜式有少少唔同，渣甸方分店主要食水煮、泡椒、小菜、炒飯為主，金百利分店就以麵食為主打，當然都有小炒。今晚揀左渣甸坊分店，兩丁友食大大盤嘅特色菜不划算，所以揀左幾款入門級，實行平有平食。必點酸辣粉，湯頭有味而不偏感 (呢點非常重要)、薯粉質感腍而非常煙靭，加上肉碎、菜生、炸菜。低至bb辣高至大辣，我地食中辣就覺得岩岩好，不過隔離枱食小辣都覺得好辣，所以...要小心揀啊！因為好多時坊間嘅口水雞都得個油字，香味辣味都欠奉，所以今次都叫左份例牌，仲要大辣。雞肉比辣椒碎同辣油蓋過，每食一件雞都好似尋寶咁，實質都數唔到有幾多件雞，但除左辣味都食得出有雞味。只不過大辣真係有啲辣山型咁高嘅涼拌土豆絲，一絲絲人手切成。但食到落底愈來愈辣，我地叫左中辣咋！可能土豆比較吸味，同埋底部係辣汁...紅得好徹底，比起口水雞仲要辣！最後一道係甜品，一見到餐牌我就決定幾飽都要食 - 薑茶水中花。又係手工製品，一件豆腐切很花型，看似柔軟