Video
Read full review
2016-01-10
674 views
天氣轉涼，有咩好得過食辣野？雖然我唔太食得辣，都忍唔住去尖沙咀呢間川熙樓挑戰下。大大個紅色招牌，加上大紅燈籠高高掛，好有中國特色。事實上，餐廳都有唔少普通話人黎幫襯 (放心，都係斯文客)，我諗係因為呢度既川菜應該幾正宗，加上用餐環境好，所以吸引到唔少商務客。餐廳提供既係苦蕎茶，屬炒米茶。雖然個名有個「苦」字，但大家放心，茶係唔苦既，仲有一種炒茶香。呢種茶比較少見，我上網查左一下資料，發現苦蕎茶具有降血脂、降血糖、降血壓既功效，原來咁有益，早知飲多兩杯。椒麻鹽水蝦($78)，用玻璃杯上，旁邊仲有沙律菜，成個presentation好靚，有中西合璧既感覺。蝦仁夠爽口，麻而不辣，下面鋪左用醋浸住既青瓜，整個菜好有新鮮感，夠醒神！辣子雞脯($158)，呢個真係正到暈！我唔食得辣，只叫左BB辣，上枱時見到咁多辣椒，真係有少少嚇窒，但夾一粒，個辣度果然只屬輕量，師傅萬歲！雞肉炒到香噴噴，雞皮脆脆地，微辣有鹹香，好惹味，用黎送飯一流！孜然四季豆($78)，我一向好鍾意孜然粉既香味，餐廳竟然用呢種香料黎炒四季豆，第一次見，就要一碟。味道果然不負我既期望，好香，四季豆爽脆，好正！食完主菜，想試埋四川既甜
大大個紅色招牌，加上大紅燈籠高高掛，好有中國特色。事實上，餐廳都有唔少普通話人黎幫襯 (放心，都係斯文客)，我諗係因為呢度既川菜應該幾正宗，加上用餐環境好，所以吸引到唔少商務客。
餐廳提供既係苦蕎茶，屬炒米茶。雖然個名有個「苦」字，但大家放心，茶係唔苦既，仲有一種炒茶香。呢種茶比較少見，我上網查左一下資料，發現苦蕎茶具有降血脂、降血糖、降血壓既功效，原來咁有益，早知飲多兩杯。
椒麻鹽水蝦($78)，用玻璃杯上，旁邊仲有沙律菜，成個presentation好靚，有中西合璧既感覺。蝦仁夠爽口，麻而不辣，下面鋪左用醋浸住既青瓜，整個菜好有新鮮感，夠醒神！
辣子雞脯($158)，呢個真係正到暈！我唔食得辣，只叫左BB辣，上枱時見到咁多辣椒，真係有少少嚇窒，但夾一粒，個辣度果然只屬輕量，師傅萬歲！雞肉炒到香噴噴，雞皮脆脆地，微辣有鹹香，好惹味，用黎送飯一流！
孜然四季豆($78)，我一向好鍾意孜然粉既香味，餐廳竟然用呢種香料黎炒四季豆，第一次見，就要一碟。味道果然不負我既期望，好香，四季豆爽脆，好正！
食完主菜，想試埋四川既甜品係點既。見到餐牌有一款叫「蛋煎糍粑」，聞所未聞，又試下。原來係將糯米糍用雞蛋煎香，糯米糍面層有蛋香，裡面無餡，軟綿煙靭，只靠面頭既花生黃糖黎調味，我覺得好好味，大家記得留肚食。
Post
