香湘辣妹 (Closed)

今日咁啱喺紅磡收工，所以就搵埋同事去附近食好嘢！同事知我鐘意食辣，就話黃埔同紅磡中間有間餐廳好啱我！原來就係香湘辣妹！一坐低已經比周「姐」倫嘅歌包圍住，好有feel!打開埋餐牌，每個菜式都有「姐」倫嘅歌點題，哈哈，好正！因為兩個人食，唔使叫咁多，所以就叫咗三個餸，分別係黃燜魚三寶、幹鍋瓦塊魚同埋依度招牌嘅香辣QQ蝦首先嚟咗魚塊先，連埋爐一齊上，可以保持住熱度！魚塊夠辣，啱晒我，雖然食到流鼻水，不過啲辣味真係好正！魚塊口感都唔錯，唔會太「鞋」，同事特別鐘意食魚，佢都話好食！之後嚟嘅係魚三寶，都係連埋爐一齊上，一張枱兩個爐真係好似一人一鍋咁，哈哈～魚三寶入面有魚籽、魚卜同魚春，同事話啲魚春好香魚油味，好難得一次過可食咁多魚春！我就鐘意食魚卜多啲，入口卜卜聲，好爽脆！依個魚三寶冇魚塊咁辣，不過就多咗陣魚香味！最後就有qq蝦，嘩！好多蒜同粉絲，真係賣飛佛！因為平時叫小菜都好鐘意食蒜蓉粉絲蒸蝦！依個qq蝦都唔講得笑，係好好食！因為蝦尾有小小殼冇meet走，所食入口都係卜卜聲，加埋啲蒜油香味，真係用嚟送飯一流！雖然紅磡黃埔多嘢食揀，不過要食辣嘅餐廳真係冇乜，依間spicy girl真心唔錯，我見餐