漁牧 (Closed)

九龍灣嘅商場多，餐廳種類都好多，同朋友去megabox行完街，佢就推介咗我嚟呢間餐廳食飯，朋友係好辣之人，我當然捨命陪君子！茗茶：香片$12麻辣腎片 $42呢個腎片無我想像中咁辣，厚度偏厚，口感爽口，少少辣會停留喺舌尖但又可接受範圍，口感爽脆！青瓜拌海蜇 $32青瓜同海蜇都好爽脆清甜！魚湯浸時蔬 $83個湯底好濃味，菜心好入味又爽甜！🌶🌶🌶火熱香辣味烤清江魚 $298Menu上有🌶🌶🌶，亦係全部食物入面最辣嘅，因為上菜後會一直加熱，所以食到後面辣度會不斷再增加！而魚下都有唔同嘅配料，建議鍾意食辣嘅你唔好錯過。荔枝蕃石榴沙冰 $36雖然我唔太鍾意蕃石榴嘅味道，但呢杯荔枝味重啲，所以我覺得味道都唔錯，而且食辣配沙冰好重要❗️黑糖竹蔗冰 $29雖寫有黑糖，但又唔會好甜，搭配竹蓆清熱又潤喉。