麻辣派對 (金百利廣場) (Closed)

今日朋友帶我食好西，睇到餐廳門口已經覺得好吸引，店內紫色嘅牆壁，天花佈滿好多球形嘅彩色花花，好特別嘅燈光水煮系列有4類，我哋就揀咗 [ 鮮椒口味 ]，再揀 [ 大辣 ] ( 無眼花，真係揀咗大辣 )，入口刺麻，濃郁嘅花椒味，配埋魚 揀咗 [ 江團 Catfish $198 ] 每一件魚肉厚實，肉質嫩滑彈牙，新鮮魚肉，煮得勁入味，仲要無魚骨又唔腥 ( 我竟然食咗好多舊 )，加埋入去嘅輔菜就揀咗 [ 花膠 $78 ] 爽口彈牙 及 [ 牛栢葉 $58 ] 口感爽脆，份量足。成盤份量好多，除咗有以上嘅配菜外，仲有魔芋、水晶粉、黃豆芽等等食麻辣當然要配番杯特飲啦，揀咗一人一杯超大杯嘅 [ 蜜語水果茶 $38 ] 滿滿水果在內，口感清甜爽口，水果包括有西瓜、橙、火龍果、青檸、奇亞籽 及 [ 冰雪鮮檸C飲 $38 ] 檸檬、青檸在內，口感酸酸甜甜。兩杯都係夏日必選飲品最後仲有飯後甜品，好足料嘅喳咋，味道又唔會太甜。食埋甜品真係勁滿足麻辣派對銅鑼灣記利佐治街1號金百利廣場4樓R1號舖