回家湘

Open Now

Now Closed

一向中意食湘菜嘅FD，推薦咗哩間湘菜館，一定要試試。餐廳唔算大，裝修唔錯，好有湖南風味。百香果汁（紮），用咗百香果同檸檬製作，會過濾咗百香果籽，好有心。入口百香果果味濃厚，伴有淡淡檸檬清香，解辣一流。手撕醬板鴨，板鴨切得細細件方便入口，板鴨肉微幹帶有少少煙熏味，食落好有嚼勁，送酒一流。腰肝合炒，哩個餸係香港好少見，很考驗主廚火候。豬腰同豬肝切得好薄身，用大火爆炒，十數秒已經可以起貨。肝腰處理得好乾淨，食落超級嫩滑仲要好有鑊氣。樟樹港辣椒炒土豬肉，用咗湖南特色樟樹港辣椒炒制，哩款辣椒唔會好辣，食落脆口帶有少少清甜。土豬肉切片，炒到微微卷起，辣椒可以中和咗豬肉油脂，豬肉肉嫩辣椒鮮甜，送飯一流。