Video
Read full review
2023-09-06
78 views
去完歐洲返嚟，第一件事就係想打邊爐。趁住打風前夕，去咗食想試好耐嘅麻辣火鍋。一坐低餐廳就上咗碗雪耳紅棗糖水，話可以喺食辣嘢之前保護個胃，非常貼心。我地叫咗個鴛鴦鍋：麻辣+ 花膠雞湯 (+$20/位)，花膠雞湯好鮮甜，入邊嘅雞都仲好嫩滑，亦都有唔少花膠。麻辣湯底我哋揀咗普通辣，辣椒同花椒味道好平衡，辣得好過癮，又唔會話辣到食唔到。見到有個叫+0辣，本身以為係唔辣咁解，問番原來劉嘉玲嚟過打邊爐，佢好食得辣，所以整咗呢個”嘉玲辣”俾佢。Menu有好多招牌菜都好吸引，簡直花多眼亂。鮮豬心 ($38, 8/10)：入口鮮嫩爽滑，完全冇內臟嘅臭味鮮黃喉 ($58, 7.5/10)：第一次食黃喉，問番先知原來唔係喉嚨，係主動脈血管。食落好爽脆，聽講處理上嚟好花功夫，所以唔多地方有得食鮮鵝腸 ($68, 7.5/10)：鵝腸好爽口，浸左麻辣湯之後勁惹味功夫萵筍片 ($28, 8/10)：每一片萵筍都片得好薄，果然好考功夫。脆嫩的萵筍食落有清爽口感和獨特香味，令人回味無窮手打魚籽蝦滑 ($58, 8/10)：魚籽蝦滑真材實料，味道鮮甜，仲食到淡淡蝦肉武隆苕粉 ($28, 9/10)：呢個望落有啲似粗薯粉
去完歐洲返嚟，第一件事就係想打邊爐。趁住打風前夕，去咗食想試好耐嘅麻辣火鍋。
一坐低餐廳就上咗碗雪耳紅棗糖水，話可以喺食辣嘢之前保護個胃，非常貼心。我地叫咗個鴛鴦鍋：麻辣+ 花膠雞湯 (+$20/位)，花膠雞湯好鮮甜，入邊嘅雞都仲好嫩滑，亦都有唔少花膠。麻辣湯底我哋揀咗普通辣，辣椒同花椒味道好平衡，辣得好過癮，又唔會話辣到食唔到。見到有個叫+0辣，本身以為係唔辣咁解，問番原來劉嘉玲嚟過打邊爐，佢好食得辣，所以整咗呢個”嘉玲辣”俾佢。Menu有好多招牌菜都好吸引，簡直花多眼亂。
鮮豬心 ($38, 8/10)：入口鮮嫩爽滑，完全冇內臟嘅臭味
鮮黃喉 ($58, 7.5/10)：第一次食黃喉，問番先知原來唔係喉嚨，係主動脈血管。食落好爽脆，聽講處理上嚟好花功夫，所以唔多地方有得食
鮮鵝腸 ($68, 7.5/10)：鵝腸好爽口，浸左麻辣湯之後勁惹味
功夫萵筍片 ($28, 8/10)：每一片萵筍都片得好薄，果然好考功夫。脆嫩的萵筍食落有清爽口感和獨特香味，令人回味無窮
手打魚籽蝦滑 ($58, 8/10)：魚籽蝦滑真材實料，味道鮮甜，仲食到淡淡蝦肉
武隆苕粉 ($28, 9/10)：呢個望落有啲似粗薯粉，口感比一般薯粉更加煙韌爽滑，大推！
鮮龍躉片 ($78, 8.5/10)：厚切嘅龍躉片口感鮮嫩，肉質細緻
美國桶蠔 ($98, 9/10)：新鮮的美國桶蠔，肉質creamy, 味道鮮甜，帶有淡淡的海水味
鮮滑魚麵 ($38, 7.5/10)：一啲唔腥，亦好有魚味
特色迷你燕餃 ($38, 8/10)：燕餃外皮嫩滑煙韌，入面係豬肉同埋蔥花，一啖一隻岩岩好
霞浦海帶苗 ($18, 8.5/10)：比一般海帶長好多，唔單止食落有啲似紫菜嘅海水味，仲令湯底帶有鹹香
淮山條 ($28, 7.5/10)：雙色淮山條賣相好靚，口感綿密，帶有淡淡的甜味
維C天王 ($48, 8/10): 洛神花茶酸酸甜甜好開胃
爆檸天王 ($48, 8/10)： 呢杯成800ml嘅凍檸茶甜度適中，打邊爐飲住佢真係好爽
我覺得呢間餐廳環境舒服闊落，食物新鮮，招呼亦好周到，侍應有主動介紹我哋除咗點豉油，亦可以點麻油食，唔單止解辣，仲帶出食材嘅鮮味，整體係值得一試!
💰人均: $400
Post
