雲川風

Open Now

Now Closed

每個星期總有一日會經過荃豐中心嗰度上堂，上堂先順便喺呢度搵食，呢個商場超多麵食餐廳選擇，今次終於輪到試試呢間米線，雖然我鍾意食米線，但唔算食得好辣，見到佢哋餐牌有蟲草花雞湯米線，感覺清新得來又養生，餸就叫咗辣腩肉，冬菇及西生菜。店員有禮親切，似是家庭式經營，除咗米線之外，佢仲有好多小食炸物，感覺不錯。米線到了！蟲草花湯底清得來有好重嘅蟲草花味，配上我最愛嘅芫荽，湯底感覺沒有太重嘅味精味，辣腩肉份量唔少，自家醃料醃得好入味，辣腩肉出色啊！冬菇浸得都夠軟身，食食吓見到隔籬枱嘅墨魚丸好似幾好食咁，咁樣就可以俾個機會自己下次再嚟食多次，自家用心製作👍🏻