文記車仔麵 (福榮街)

Open Now

Now Closed

同一條街開四間鋪頭，文記係犀利嘅。主力排隊嘅係最大嘅總點，然後姐姐會安排你前往唔同嘅分店入座，都算有系統。門外仲有部自動落單機，唔洗搵店員落order嗌餸，錯餸嘅機會都少左😂蘿蔔切得細細粒，相對易入味，而且無渣，唔錯。我嗌嘅其他餸無咩特別，溏心蛋做好本分，唔會過熟，幾好呀。豬大腸洗得乾淨無怪味，但牛柏葉就無咩味啦，而且比較韌，下次唔會叫。我每次黎都會怒落嘅辣菜脯，真係100分，粒粒爽脆，加入車仔麵好惹味，啖啖都增加口感風味，好正。