渝味曉宇重慶老火鍋 (渣甸中心) (Closed)

Dradra 鍾意食辣野就係人都知朋友誠意拳拳叫我嚟陪佢試吓呢間渝味曉宇重慶老火鍋 一於嚟試吓 店內環境都幾靚 比較乾淨企理 我哋就叫咗個鴛鴦麻辣火鍋 牛油湯底㗎 另一邊就叫咗蕃茄湯底 專系煮啲蔬菜類食麻辣火鍋梗係一定要叫鴨血，鴨血放落麻辣湯底朔晒未超正。另外都叫咗半份魚，呢隻魚肉質都幾結實，估唔到打邊爐都幾好食。生蠔大大隻都係幾十蚊兩隻，扺呀。另外有啲比較特別嘅例如係白鱔片，牛骨髓，食落滑脫脫白色一條嘅。鵝腸，洗得好乾淨仲保留咗少少肥膏咬落去有少少油香，正，記住10秒鐘就夠啦。另外必叫嘅係午餐肉好似$22就有好多片，同樣地放咗落去麻辣湯底啖啖滋味。總括嚟講，呢間最好嘅就係佢哋可以叫一份或者半份，通常本身嘅價錢都係4，5拾蚊左右，都算幾抵食，可以試到唔同嘅款式。