豐鍋雞煲 (荔枝角道) (Closed)

個fd講左幾次話豐鍋雞煲好好食, 講完又講, 比佢講到我都忍唔住去試下!餐廳都幾大, 座位唔會好迫, 而且今晚晏左d食飯, 食肆要收10點所以唔算好爆場, 令我坐得再舒服d, 店內仲有大大個掛牆電視, 可以一路睇電視一路食豐鍋招牌麻辣雞煲店員放上枱再炒兩炒就食得, 好香! 睇小左佢既辣度, 叫左中辣, 辣得濟但又好刺激好惹味, 食左一半都係叫店員加湯, 煲左陣之後又越煲越辣, 中意食辣既話就實中意呀! 半隻雞份量足, 雞件既肉多唔會得d骨, 痴住哂d醬汁好香❤雪花肥牛併豬腩片大片整齊, 厚薄均勻, 肉味頗重, 不錯!手工即炸魚皮嘩見到心心眼, 未食過咁大塊即炸魚皮, 橫過個煲呀!! 浸一浸湯入口卜卜脆又香口, 好味!四式手打丸全部都好彈牙, 墨魚丸有兩款, 分別係墨汁丸同普通墨魚丸, 墨汁丸入面有粒粒墨魚碎, 兩者都有鮮味👍🏻而蝦丸我亦好中意, 鮮蝦味好出, 彈牙有質感👍🏻仲叫左冬菇, 蘿蔔, 鴨血, 鴨血最正呀又厚又大塊, 食落厚實索埋d辣湯好正野飲叫左烏梅汁同埋藍蝶雪梨, 呀又估唔到個賣相幾靚又大杯, 烏梅汁酸maymay好開胃又解油膩, 藍蝶雪梨就好清甜解渴。