漁牧 (Closed)

老公成日都話要食酸辣魚。係荃灣都食咗唔少間，但想不到，漁牧先啱老公口味。兩個人，叫咗一壺的竹蔗黑糖冰。預備食辣魚時解解渴。前菜，點咗呢個拍青瓜拌梅汁雲耳，用黎開開胃，原來個份量都唔少喎。清炒時蔬，今次揀咗白菜仔。主角黎啦！就係呢個鮮泡椒酸菜味的辣魚。今次我哋揀咗清江魚，貪佢無咁多骨，比較啱我食。外皮係炸到卜卜脆的，食起上黎，更有炭香口味。成碟都有好多辣椒以及香料及酸辣味。食起上黎更香辣。而且，仲可以揀配菜，每款都係十幾廿蚊咋。今次我哋加咗熟鮮腐戶、仲有薯仔片，更吸收埋酸辣湯汁係入味。成條魚都好大條，成量好足料！越食，個湯汁就越濃縮，所以會越食越辣的哦。