渝味曉宇重慶老火鍋 (渣甸中心) (Closed)

係香港食麻辣火鍋其實選擇唔算太多，我就鐘意食呢間餐廳啦。分店又多，市區一定會有嘅。最重要係，質素保持得唔錯，價錢都合理！午市去食嘅話，湯底係免費架，就可以嗌多個餸啦，即刻抵食左！我同朋友就嗌左一個二人餐，入面都有超級多嘅配料。我哋仲另外叫咗好多其他配料，其中都幾個好出色架！麻辣牛肉同嫩牛肉唔同，牛肉面會滿佈香料同辣椒，即使煮完之後都唔會話無晒。食落口有陣孜然味，好似食串燒咁。凍豆腐呢個真係打邊爐必嗌嘅，索晒湯底嘅精華，真係好正。燕餃細細粒，好得意，份量仲要幾多添。耗兒魚呢個係重慶個邊嘅特產，魚肉結實，完全唔會散，真係好好味。