麵屋一燈 (Closed)

今日去咗尖沙咀睇戲， 睇完戲就喺附近嘅餐廳坐低咗， 亦都係之前有朋友推介過嘅麵屋一燈。睇到網上庭價沾麵都好多人稱讚， 所以就叫咗味玉濃厚魚介沾麵。 當碗麵到咗，我就根據沾麵食法嘅指示卡先試一試麵條， 煙煙靭靭，未沾湯前就會硬身少少， 再試一試醬油雞湯湯底， 濃郁得黎唔會太鹹，好味 麵條都好掛湯， 略嫌個湯都比較快就凍咗， 有需要可以叫店員加熱嘅。 配料上面都唔少，湯內有兩粒雞肉丸，質地係免治雞肉，淋淋地，唔係爽口嗰種。雞肉有黑椒香味，爽嫩滑溜，個人認為就幾好食。溏心蛋帶微甜，蛋黃啫喱狀態，係幾高質既溏心蛋另外一碗就係期間限定嘅炭燒叉燒山葵醬油拉麵，口味係比較清淡既拉麵，湯底有淡淡的washabi味，幾特別，而且唔會覺得漏。叉燒係厚身，唔係入口即溶嗰種。價錢佢係平過魚介沾麵好多，不過佢就係期間限定嘅，下次來就可能冇左。同埋如果你係濃味拉麵嘅fans，呢碗未必係你選擇。