Video
Introduction
This ramen restaurant is originally from Japan. The tsukemen is recommended. The soup base is cooked by chicken soup, dried fishes, and scallops for 72 hours.
continue reading
Opening Hours
*Last order: 21:30
Mon - Sun
11:30 - 22:30
Above information is for reference only. Please check details with the restaurant.
行緊海港城嘅時候 想搵一間有特色而靜靜地嘅餐廳同朋友傾吓計食飯 睇OpenRice都見到依間餐廳好評唔錯 就唔打唔撞沖左入去 意想不到入邊嘅風格裝修得簡潔奢華 日本風味濃 而且仲有維港景色配襯 喺入邊靜靜地望住個維港景坐得好舒服 望一望餐牌選擇唔算好多 所以就揀咗秘製醬油拉麵 既然嚟到一間咁華麗嘅餐廳 當然揀特製試一試龍與鳳啦 拉麵軟硬適中 唔會好笠 而且醬油唔算好咸 雞肉及牛肉唔會好韌 口感不錯 但係男士們食的話 可能唔係好夠 要配一份小食先剛剛好雖然價錢有點兒略貴 但我覺得周邊嘅環境配合之下CP值都唔錯
continue reading
📍沾麵——先不說味道。最緊要我會偏向著重麵條硬軟度同埋湯底溫度，最怕係碗麵一團痴埋一舊、湯又唔夠熱，咁樣會直接影響成碗麵既味道。我好鐘意佢地可以幫我keep住加熱湯底，麵又條條分明，我比較鍾意硬身少少，吃起來口感一流，所以只要沾一陣就可以，質地自己控制。如果鍾意食辣既朋友，可以加入已配備既辣味櫻花蝦粉，又會係另一種味道。食到咁上下，記得加入特定湯水，可以當湯咁飲。當然過程中可以keep住加溫保持味道，一定一定要夠熱先好食
continue reading
12點半去到唔使等位。食完大約1點半見到有十幾個客排隊。睇完餐牌先知道原來特製係多一片雞肉同叉燒，既然只係相差$10，就緊係叫特製啦。特製濃厚魚介沾麵($168)沾麵只有冷麵，無得揀暖麵。雞肉同叉燒都係薄切，各有2片。雞肉口感唔錯，有黑椒味。不過”友人”就覺得叉燒似風乾既臘肉味，麻麻地。因為將冷麵浸落沾麵湯底會令個湯好快凍，導致叉燒浸得唔夠熱。(其實餐廳係有提供湯底加熱服務，不過我地就無特登再叫加熱，相信沾麵湯底加熱後會更好食)溏心蛋夠哂流心，好好食。肉丸有2粒，正常。加埋櫻花蝦辣粉令湯底更惹味。(個人口味E: 3.7/5)(個人口味S: 3.2/5)特製秘製醬油拉麵($158)湯底醬油味好濃，咸咸地。拉麵既雞肉同叉燒比沾麵既熱好多。雞肉幾重黑椒味，辣辣地，幾惹味，肉質都嫩滑；叉燒有趙口，幾好食；溏心蛋外層略嫌熟左少少，但中間都夠流心，好食。拉麵麵質比沾麵幼身。雞肉同叉燒既烹調方法係有別於平時食開既拉麵店，幾特別。湯底同拉麵就無乜特別。如果有機會再食，我會揀惹味湯底既沾麵。(個人口味S: 3.1/5)(個人口味E: 3.6/5)消費滿$100可以用一張$50 coupon，總共用左3張，如果無coupon就不了。
continue reading
呢間又係海港城既過江龍沾麵鋪頭好彩又係唔多人所以入黎試下叫左濃厚魚介沾麵睇你要咩配料 我地想食多d肉同玉子 就叫左特製麵就凍上 湯就熱上我覺得佢地既麵質都係偏硬 亦掛到湯既叉燒 同 雞 就慢煮 所以都比較嫩滑同埋佢地整得完全唔油膩 所以都比較特別個湯都幾好飲 唔錯唔錯
continue reading
天氣咁熱又想食拉麵⋯行街見到有期間限定拉麵～係柚子味呀！幾吸引仲有無敵海景～於是入咗去試疫情關係要隔1.5米⋯坐唔到海景位置⋯沒風景睇唯有專心享受食物朋友點咗好多人推介嘅濃厚魚介沾麵我個人其實唔太喜歡食沾麵，因為食過幾間比較出名到最後覺得係好鹹同膩⋯真係唔太啱女士食⋯今次試過呢間少少魚介沾麵⋯都係唔合口胃⋯我明白沾麵一定係湯熱，麵凍⋯先好味，因為要過冷河先可以令麵更加彈牙但係連塊肉都係凍⋯浸完啲湯都係得微微溫咬落都係感受到凍⋯而且唔夠嫩滑⋯沒再想食多啖嘅念頭⋯不過要讚佢個柚子拉麵⋯好合時令！碗面入邊配有一絲絲嘅柚子皮，湯底亦都有清新柚子味食落好開胃～越食越想食～連湯都想飲埋～另外，麵質口感彈牙、肉亦都香軟好味！呢款期間限定係幾好嘅配搭～有別於平常食開嘅拉麵，值得一試！😋
continue reading