麵屋一燈 (Closed)

行緊海港城嘅時候 想搵一間有特色而靜靜地嘅餐廳同朋友傾吓計食飯 睇OpenRice都見到依間餐廳好評唔錯 就唔打唔撞沖左入去 意想不到入邊嘅風格裝修得簡潔奢華 日本風味濃 而且仲有維港景色配襯 喺入邊靜靜地望住個維港景坐得好舒服 望一望餐牌選擇唔算好多 所以就揀咗秘製醬油拉麵 既然嚟到一間咁華麗嘅餐廳 當然揀特製試一試龍與鳳啦 拉麵軟硬適中 唔會好笠 而且醬油唔算好咸 雞肉及牛肉唔會好韌 口感不錯 但係男士們食的話 可能唔係好夠 要配一份小食先剛剛好雖然價錢有點兒略貴 但我覺得周邊嘅環境配合之下CP值都唔錯

📍沾麵——先不說味道。最緊要我會偏向著重麵條硬軟度同埋湯底溫度，最怕係碗麵一團痴埋一舊、湯又唔夠熱，咁樣會直接影響成碗麵既味道。我好鐘意佢地可以幫我keep住加熱湯底，麵又條條分明，我比較鍾意硬身少少，吃起來口感一流，所以只要沾一陣就可以，質地自己控制。如果鍾意食辣既朋友，可以加入已配備既辣味櫻花蝦粉，又會係另一種味道。食到咁上下，記得加入特定湯水，可以當湯咁飲。當然過程中可以keep住加溫保持味道，一定一定要夠熱先好食

12點半去到唔使等位。食完大約1點半見到有十幾個客排隊。睇完餐牌先知道原來特製係多一片雞肉同叉燒，既然只係相差$10，就緊係叫特製啦。特製濃厚魚介沾麵($168)沾麵只有冷麵，無得揀暖麵。雞肉同叉燒都係薄切，各有2片。雞肉口感唔錯，有黑椒味。不過”友人”就覺得叉燒似風乾既臘肉味，麻麻地。因為將冷麵浸落沾麵湯底會令個湯好快凍，導致叉燒浸得唔夠熱。(其實餐廳係有提供湯底加熱服務，不過我地就無特登再叫加熱，相信沾麵湯底加熱後會更好食)溏心蛋夠哂流心，好好食。肉丸有2粒，正常。加埋櫻花蝦辣粉令湯底更惹味。(個人口味E: 3.7/5)(個人口味S: 3.2/5)特製秘製醬油拉麵($158)湯底醬油味好濃，咸咸地。拉麵既雞肉同叉燒比沾麵既熱好多。雞肉幾重黑椒味，辣辣地，幾惹味，肉質都嫩滑；叉燒有趙口，幾好食；溏心蛋外層略嫌熟左少少，但中間都夠流心，好食。拉麵麵質比沾麵幼身。雞肉同叉燒既烹調方法係有別於平時食開既拉麵店，幾特別。湯底同拉麵就無乜特別。如果有機會再食，我會揀惹味湯底既沾麵。(個人口味S: 3.1/5)(個人口味E: 3.6/5)消費滿$100可以用一張$50 coupon，總共用左3張

呢間又係海港城既過江龍沾麵鋪頭好彩又係唔多人所以入黎試下叫左濃厚魚介沾麵睇你要咩配料 我地想食多d肉同玉子 就叫左特製麵就凍上 湯就熱上我覺得佢地既麵質都係偏硬 亦掛到湯既叉燒 同 雞 就慢煮 所以都比較嫩滑同埋佢地整得完全唔油膩 所以都比較特別個湯都幾好飲 唔錯唔錯

天氣咁熱又想食拉麵⋯行街見到有期間限定拉麵～係柚子味呀！幾吸引仲有無敵海景～於是入咗去試疫情關係要隔1.5米⋯坐唔到海景位置⋯沒風景睇唯有專心享受食物朋友點咗好多人推介嘅濃厚魚介沾麵我個人其實唔太喜歡食沾麵，因為食過幾間比較出名到最後覺得係好鹹同膩⋯真係唔太啱女士食⋯今次試過呢間少少魚介沾麵⋯都係唔合口胃⋯我明白沾麵一定係湯熱，麵凍⋯先好味，因為要過冷河先可以令麵更加彈牙但係連塊肉都係凍⋯浸完啲湯都係得微微溫咬落都係感受到凍⋯而且唔夠嫩滑⋯沒再想食多啖嘅念頭⋯不過要讚佢個柚子拉麵⋯好合時令！碗面入邊配有一絲絲嘅柚子皮，湯底亦都有清新柚子味食落好開胃～越食越想食～連湯都想飲埋～另外，麵質口感彈牙、肉亦都香軟好味！呢款期間限定係幾好嘅配搭～有別於平常食開嘅拉麵，值得一試！😋

已經第二次嚟食，6 點半到，暫時未有人排隊，同朋友唔駛等位就可以入座，座位舒適，環境優美。侍應會問客人要唔要坐向海嘅窗口位，但我地揀到近門口嘅梳化椅就 ok. 入座後送上，口罩保護袋裝住個口罩，都好貼心點左特製濃厚魚介沾麵 仍然保持水準👇🏻 幾鐘意佢嘅麵條,不會太軟身; 魚湯有少少鹹，配合麵條剛剛好。一碗有兩塊雞叉燒同兩塊豬肉叉燒，女仔嚟講夠晒飽肚如食到一半，湯唔夠熱的話，可以叫侍應攞入廚房再加熱👍🏻👍🏻

見到拉麵店推出柚子拉麵就代表又到熱辣辣嘅夏天啦☀️ 以前係另一間拉麵店食過湯底酸甜清新、麵質爽滑兼帶微煙韌口感嘅柚子拉麵～ 所以今次一見到呢個期間限定嘅柚子拉麵就忍唔住叫嚟試下～😛柚子拉麵套餐（包一杯飲品）$148✨其實一見到呢碗柚子拉麵係熱食嘅時候我已經有少少失望...😅 我習慣食拉麵前先飲一啖湯，一飲...個湯底好酸...仲要冇咩柚子香...😟✨麵身係偏軟淋質感，冇我想像中嘅爽滑口感...✨配料不多，只有一隻半熟嘅溏心蛋和一片炙燒嘅厚切叉燒...呢個價位嚟講算唔抵食🤭香酥雞軟骨 $48✨套餐加 $48 可以配一款小食，雞軟骨附帶嘅肉量唔多，軟骨比例高所以整體口感偏硬～🤭✨因為油炸嘅關係，食得多會覺得油膩，配沙律醬可以幫忙解膩～整體感覺麻麻地，未必會再嚟...um...可以讚嘅點係佢有海景位🌊 同埋會提供口罩袋呢樣幾貼心🙂

拉麵對於香港人一啲都唔陌生，基本上鍾意食日本菜嘅朋友一個月點都會食一次拉麵，而係日本其中一間最出名嘅拉麵店就係一燈，之前同朋友喺日本食過非常好食，於是抱住時嘅心態去到海港城試吓香港嘅質素點樣。要是拉麵好唔好食，一定要試佢最基本最原味嗰隻拉麵，係冇整色整水嘅情況下特別容易使得出食材嘅質素。所以我叫咗醬油拉麵，亦都係日本最傳統嘅拉麵。係落單無耐個拉麵已經嚟到，湯嘅表面散發淡淡油香，兩副叉燒各有特色，雞叉燒有濃濃嘅雞味，豬肉叉燒淋身得黎又好有肉味，面嘅質素都非常唔錯，完全拍得住日本，只可惜價錢貴左少少，要差唔多$150一個人。

突如其來好想食一麵靚拉麵😋，嚟到尖沙咀，就嚟食喺日本🇯🇵得獎🏵嘅拉麵店麵屋一燈係疫情下，好多食市都唔使排隊，但麵屋一燈仍舊有一群捧場客，認真厲害🧐一坐底就發現有麵屋一燈嘅窩心，每一個座位上都有口罩紙套，唔使再去搵嘢包住個口罩🥰揚揚媽推介以下食品😚濃厚魚介沾麵🍜呢個麵榮獲咗日本拉麵界幾個大獎🏵，認真巴閉😎魚介風味濃郁雞湯，加上72小時調製嘅秘製醬汁調味，配上人手製作嘅雞肉丸子和麵線，聽落已經好想食🤤麵條嚼勁度唔錯，幾彈牙；湯底都好濃厚，麵條吸收了湯汁，口感好豐富🥰秘製醬油拉麵🍜雞湯湯底加入昆布和魚介，加上㊙️製醬汁，將味感提昇到另一層次。另外，呢度嘅雞肉真係值得一讚👍，雞肉本身質感嫩滑，加上吸收了部分湯底嘅醬油鮮味，更特顯了雞肉嘅味道😋。揚揚媽媽係醬油拉麵fans，真係大愛❤️#雞軟骨（小食）麵屋一燈嘅雞軟骨做到酥而不膩，炸得啱啱好👍👍每一啖都好有咬口，真係good match😊另外，好想大讚門口位帶位哥哥，好有禮貌😌，同埋好詳細解釋食品嘅特色和食法。其他待應都好有禮貌，真係一間食得好舒服嘅餐廳❤️❤️揚揚整體指數：9/10👍揚揚環境指數：8/10👍 揚揚味道指數：9/10👍揚揚服務指數：9/1

很久沒有和老公拍拖外出食嘢，今次我哋去咗位於尖沙咀海運大廈嘅『麵屋一燈』食 lunch 。這裏有落地玻璃對住海邊，令光線好充足，地方好開揚，感覺好舒服，我同老公都覺得店員服務態度好，老公食特製醬油拉麵，我食特製濃厚魚介沾面，我地都覺得好好食。特製醬油拉麵醬油湯底濃郁，幼細拉麵彈牙，低溫慢煮的雞肉和叉燒各兩片，肉質嫩滑，份量足夠，溏心蛋好入味，好有蛋味，非常美味。特製濃厚魚介沾面 沾汁是魚介湯味道濃厚，配上櫻花蝦辣粉， 十分惹味，粗麵條沾上湯汁，特別滋味，麵條彈牙，又夠咬口，沾汁內有雞肉丸，亦很美味，同樣配上低溫慢煮的雞肉和叉燒肉，食完麵條之後，可以加入魚介清湯飲埋碗湯，並且可以叫店員幫忙翻熱， 熱騰騰真係好美味，另我愈飲愈想飲。另外額外點了香酥雞軟骨，量夠大份，好香口亦有口感，最後來一杯常溫烏龍茶，即時消滯不少。

燈、燈、燈、餐廳坐擁維港靚景， 一邊睇靚景一邊食拉麵🍜餐廳入便好大好多位， 坐得都幾舒服，加上最近唔駛排隊，可以試下。被安排左海景位😆😆 淨係個景都值回票價。拉麵選擇唔多， 重點係要試佢出名既濃度魚介沾麵：啲麵好粗呀、 好有口感， 雞肉同叉燒各一塊，沾麵汁好濃郁。另外再試左柚子湯拉麵：麵條好幼，我覺得容易入口， 配上酸酸地既柚子筍條， 麵幾開胃喎。本人覺得呢個好食過拉麵😝🍜🍜

因有海港城的dining coupon，就揀咗間popular既食肆試。叫咗個招牌濃湯魚介沾麵。剛上麵時碗湯確實好濃好好味，d麵亦非常彈牙，口感好好，d餸則非常普通；但係d湯放咗無幾耐就凍，雖然佢有預備一瓶熱湯refill, 但一refill d湯就變淡。我係第二d鋪頭食沾麵碗湯都夠熱食到尾。總結而言，淨係得d麵係好食；有coupon去食就ok, 但如果正價$158去食就唔抵喇，出面好多鋪頭都好食過呢度。

又一間位於海港城的海景拉麵,  我選擇了最入面對玻璃窗的位置，可以一邊觀賞海景，一邊歎熱辣辣的拉麵和沾麵。知道這間店舖是出名沾麵，不過今次還是選擇左芳醇鹽味拉麵($118)，鮮甜的湯底，原來湯頭是由原隻新鮮雞燉煮，再加了干貝醬、鹽味秘製醬所成，再加了特製鹽味醬汁調味， 令到味道湯底更豐富，還有叉燒，配合幼身拉麵條，入口彈口有咀嚼感。但麵的軟硬度、麵的份量等則不能自行更改，味道不錯，下次要試一試濃厚魚介沾麵

一路都已經好想去麵屋一燈試下佢哋嘅日本沾麵 ，前排終於有機會去試，入到去個環境超舒服，而且有過超大嘅落地玻璃，望住個海坐喺窗邊嘅位，可以望曬整個維多利亞港。招牌菜濃厚魚介沾麵一定要叫，另外我哋叫咗芳醇鹽味拉麵 ，亦都叫咗佢哋期間限定嘅柚子叉燒拉麵，同埋追加鹽燒雞軟骨。沾麵入面嘅雞肉丸子好彈牙好qq好味，而另外有隻溫泉蛋亦係必食之選，內有兩塊叉燒豬肉同埋雞肉都好林，而最重要嘅魚介高湯，魚味十分濃厚而且食得出入面有秘製醬汁熬成，而且鹹香味都好重，其他地方絕對食唔到。鹽味拉麵就有相同嘅餸，雖然個湯底睇上去好似清清地，但係都 好濃厚嘅味道因為用咗鹽味秘製醬同埋干貝醬熬成，而柚子拉麵上面嘅柚子好fresh，食上去就好清新而最緊要叉燒係特製燒過嚟，好香口食到停唔到口。雞軟骨就食得出係即叫即炸，每粒都熱炙炙，點埋個秘製沙律醬食，係前菜嘅首選。

麵屋一燈 Menya Itto+日本菜+人氣日本過江龍+拉麵沾麵+店內環境舒適特制濃厚魚介沾麵 $138好食指數：⭐️⭐️⭐️⭐️打卡指數：⭐️⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️👍🏻 魚介沾麵湯底濃郁👍🏻 粗身麵條令醬汁更易掛👍🏻慢煮叉燒和雞片口感特別 味道主要依靠湯底🧐味玉 正正常常 沒有特別 
尖沙咀廣東道3-27號海港城海運大廈3樓LCX 32號舖Shop 32, LCX, 3/F, Ocean Terminal, Harbour City, 3-27 Canton Road, Tsim Sha Tsui 星期一至日11:30 - 22:30電話號碼31023299喜歡我的文章，可以關注我及讚好以作鼓勵