Video
Read full review
2014-02-09
97 views
仲有幾日就喺西方情人節，咁啱亦喺新十五，即喺我哋中國人嘅元宵佳節，你準備好跟你嘅情人點慶祝未？就算嫌貴唔想嘥錢出去食情人節套餐，總要少少哋買個蛋糕或甜品嚟應吓節嘅 。今年，美心以「Our Love Story我們的愛情故事」為題，出咗一系列情人節蛋糕及甜品，讓你不經意締造一點浪漫時刻，使你嘅戀愛日誌多添難忘一頁 。除咗將彩虹蛋糕、天使蛋糕及魔鬼蛋糕「情人」化咗為「心之彩虹」、「戀愛天使」、「性感魔鬼」外，有幾款節日限定嘅全新創作，則更為吸引 ，分別喺「玫瑰之都」、「戀愛故事甜品盒」、「情人之吻」、「Mickey & Minnie心深相愛」共4款，小弟有幸獲公關送贈前者兩款，撞正同一班好姊妹晌潮庭食開年飯，率先讓我哋感受一吓佢嘅「味」力 ！ 玫瑰之都Rose Garden $128 平平無奇嘅美心餅餅，拉出嚟嘅「玫瑰之都」士多啤梨忌廉蛋糕，就算無玫瑰跟手，以其瑰麗嘅賣相，一樣可以叫愛人傾心。猶如粉紅玫瑰花束嘅三層漸變粉紅色忌廉，由上而下，由淺到深，一個個忌廉唧花，另配上3顆立體心型白朱古力及紅桑子味脆果粒作為點綴，確喺浪漫心甜嘅造型，同枱女士們無不嘩嘩作響 。而裡面以士多
除咗將彩虹蛋糕、天使蛋糕及魔鬼蛋糕「情人」化咗為「心之彩虹」、「戀愛天使」、「性感魔鬼」外，有幾款節日限定嘅全新創作，則更為吸引 ，分別喺「玫瑰之都」、「戀愛故事甜品盒」、「情人之吻」、「Mickey & Minnie心深相愛」共4款，小弟有幸獲公關送贈前者兩款，撞正同一班好姊妹晌潮庭食開年飯，率先讓我哋感受一吓佢嘅「味」力 ！
玫瑰之都Rose Garden $128 平平無奇嘅美心餅餅，拉出嚟嘅「玫瑰之都」士多啤梨忌廉蛋糕，就算無玫瑰跟手，以其瑰麗嘅賣相，一樣可以叫愛人傾心。猶如粉紅玫瑰花束嘅三層漸變粉紅色忌廉，由上而下，由淺到深，一個個忌廉唧花，另配上3顆立體心型白朱古力及紅桑子味脆果粒作為點綴，確喺浪漫心甜嘅造型，同枱女士們無不嘩嘩作響 。而裡面以士多啤梨海綿蛋糕，配搭混有士多啤梨果肉嘅忌廉，層層相間，海綿蛋糕極為鬆軟，又夠回彈力，而忌廉打得幼滑非常，確實好睇又好味 。3顆心型白朱古力，何不抽起一粒，換上求婚介子，向摯愛表達愛意承諾，譜寫人生另一頁 。
推廣日期：2月4-28日
戀愛故事甜品盒Our Love Story $781套包括兩個心型慕絲蛋糕：紅桑子及朱古力，連特別情人節禮物盒，講到個禮物盒就寧舍優雅，粉紅暗花，加襯心心、花形、蝴蝶仿鑽石圖案，極富心思，為愛侶帶嚟甜蜜驚喜 。
推廣日期：2月4-16日
紅桑子心型慕絲蛋糕 海綿清蛋糕底，注滿紅桑子慕絲，中間夾有紅莓果凍，以特製噴槍做出鮮紅色朱古力粉嘅絨面，再以3粒新鮮紅桑子及點點金箔作為點綴，盡顯矜貴。慕絲柔滑，帶有好香莓味，中間嘅果凍有點微酸，而新鮮紅桑子酸香醒神 。
朱古力心型慕絲蛋糕 朱古力脆脆餅底，加上朱古力脆珠，注滿朱古力慕絲，並噴出啡色朱古力粉絨面，再以手造朱古力粒及金箔點綴，型格十足。慕絲少甜而甘苦，脆珠卜卜脆，更添口感趣味。兩款慕絲蛋糕，滿載層層愛意！
情人之吻 French Kiss $128雖然無試到，據介紹，喺傳統法國情人節嘅朱古力蛋糕，外層以白朱古力及粉紅糖漿打造成雲石效果，極具視覺之效；而內層由海棉蛋糕、雲喱嗱焦糖布丁，再加入紅桑子果凍及榛子朱古力忌廉組合而成，朱古力更採用法國Cacao Barry品牌，味道層次複雜，猶如戀愛中嘅經歷點滴，真喺聽落都想試。
推廣日期: 2月4-27日
Mickey & Minnie心深相愛 $28
以小杯牙形式，由下而上，喺士多啤梨慕絲、意式奶凍及士多啤梨啫喱，加上新鮮士多啤梨及Mickey & Minnie咀咀嘅朱古力片，見證牠倆90年細水流長嘅愛情，喻意永恆嘅甜蜜時光，更喺米奇迷唔可錯過嘅甜品！
推廣日期: 2月4-28日
咁多款情人節蛋糕或甜品，各有不同心意，快快決定好買下其中一款，為你及愛人嘅愛情故事，寫下動人心弦嘅一頁 。祝願有情人晌情人節開心快樂，情人節以外嘅日子，都喺甜甜蜜蜜 ！
Post
