老爺點心 (Closed)

灣仔近金鐘一帶，近年開左唔少特色餐飲，「老爺點心」就係其中一間。餐廳佔地2層，樓下係接待處；樓上係用餐區，盡頭既酒吧台跟Din sum library相似。店面設計賣懷舊風，除左舊式茶樓既鳥籠掛飾，櫥櫃亦放有各款本土玩具。食物方面，點心款式遠比想像中少，只有5-6款，聽聞係因為大廚離職。筆者最後點了「黯然銷魂飯」、「炭裏香」同埋流沙包。先講「黯然銷魂飯」，賣相都幾吸引，抵讚既係佢既流心蛋，半肥瘦既叉燒口感亦不俗。但配上XO醬，整體就偏咸同埋辣，可能想營造傷心流淚既感覺？而「炭裏香」係由盆栽裝上紅蘿蔔形既咸水角，同泥土形既排骨。相機食先既價值相當高，咸水角亦整得唔錯，係排骨炸完感覺比較乾身。最後，紫薯內心既流沙包，雖然無流沙既效果，但幸好甜而不「利」配上餐廳奉上既桂花糕作甜品，都尚算滿足。