四季文昌 (Closed)

雖然過咗十五，繼續有團拜活動。朋友訂左呢間餐廳，一行11人食椰子雞煲。比左間房我地。我最後一個到，一去到成台野食。😍😍😍新年流流梗係要撈起，叫左份<黃金撈起>一齊撈起。（味道冇特別，純粹攞個意頭👏🏻）攞星星位⭐⭐🍲竹笙椰子雞煲湯底首先要讚，就係椰子🥥火鍋湯底。好清甜，椰子有椰子味🤣🤣🤣（唔似溝水）。雞肉好嫩滑，完全唔會鞋颯颯。🐮打邊爐邊少得肥牛/牛肉，叫左份手切牛肉： 好新鮮，有牛肉味。正！！！值得試！🌱韭菜餃，覺得似係自己包。淥完啲韭菜仲好青綠，好香韭菜味。🐟鯇魚片，本身唔鍾意食魚嘅我，都試咗。幾滑，無腥味 🥗蔬菜籃，都好新鮮。特別欣賞佢個油麥菜，好嫩。係椰子湯底淥完出嚟原來係好鮮甜最後我哋叫咗個2個椰子雪糕試吓，老實說冇咩特別。只係雪糕入面有啲椰子肉。整睇食物方面都唔錯新鮮，員工服務態度都幾好。只係坐喺房入面比較難叫侍應落單。同埋唔知係咪太多人，個冷氣唔係好夠。