渝川菜館

Open Now

Now Closed

除左日本野之外，我最鐘意就係食辣野！四川菜就最岩我心意❤️呢間渝川菜館係男朋友帶我去食，真係一試就愛上左，短短兩個月就去左食三次喇😂當中每次帶朋友去食，然後大家都讚口不絕既有呢個四川涼麵！拌麵既軟硬度岩岩好，最緊要係個醬汁真係又麻又辣，而且唔會好油膩！真係諗起都流哂口水🤤🤤香麻泉水雞都好得我歡心！啲花椒多到鋪滿係湯面，以為好辣喇，點知又唔係喎！食落係好麻好香🤤雞柳好入味好嫩滑，配埋爽口既萵筍真係好正❤️呢間餐廳仲有一個特別之處就係佢係斷人頭收費，如果兩個人就可以嗌兩個涼菜，三個熱菜，另送一個炒菜比你！如果多啲人就會按比例可以嗌多個涼菜同熱菜，落單個時佢仲會問你夠唔夠食，洗咪啲餸份量多啲咁樣😌所以呢個價錢真係超抵食，而且質素真係好好，係我好鐘意既一間川菜館🥰