凱日精品粤菜館

Open Now

Now Closed

今日要去佐敦出out job ，企咗整整一日非常之累，估唔到老公突然間出現接我收工去食飯😍😍酒樓格局非常乾淨，細問原來新開差不多一個月左右，茶壼啞黑色感覺高貴，而且還有爐火加熱，保證每一口都熱辣辣。風味胡椒豬手原以為是冷盤，估唔到係熱食，胡椒味香濃，豬手入口即溶，輕輕一咬已經骨肉分離，胡椒味辛辣刺激，食完整個人都溫暖起來。濃湯雞煲仔翅酒樓做緊特價$68-1客，但翅份量超多，一梳梳的魚翅非常有口感，湯頭雞味濃郁，雞件嫩滑可口，超值！蛋白蒸龍躉件龍躉件厚肉嫩滑，魚味鮮甜，底層蒸蛋白鮮嫩滑溜，蛋味清甜，2者配合在一起，味道非常之夾，味道清新。鳳梨咕嚕黑豚肉黑豚肉外皮脆漿做得非常好，入口鬆脆可口，黑豚肉爽嫩彈牙，肉汁豐富，超級喜愛。