Video
Read full review
2021-10-19
272 views
最近發現筲箕灣新商場<形薈>開咗唔少食肆！經過呢間有賣茶飲嘅中菜館，就俾佢吸引住！茶飲有特色，仲有唔少啱我心水嘅上海菜！即刻拉埋老公入去試下。睇完menu，好多嘢都心思思好想試！最後叫咗以下💁🏻♀️✨雞絲粉皮 $68鐘意佢地嘅雞絲唔會太幼，咁先有口感；配埋清甜爽脆嘅青瓜絲，同煙韌彈牙嘅粉皮，麻醬香濃得嚟又甜甜地，的確係個開胃又好味嘅前菜！✨臭豆腐 $78豆腐聞落夠臭，食落都夠臭喎！有水準！點埋海鮮醬同豆瓣醬，非常香口惹味，食到停唔到口！諗返都流口水🤤✨鮮肉鍋貼 $50鮮肉鍋貼皮帶點煙韌，厚薄適中，餡料飽滿，一咬開爆哂肉汁，好juicy！鍋貼底脆脆地，正！✨外婆紅燒肉流心蛋 $138每次食上海菜都必叫我最深愛嘅外婆紅燒肉！呢度嘅五花腩舊舊都肥瘦相間，分佈均勻，唔會成舊肥膏冇肉都照上碟，值得一讚！食落好入味，但唔會過鹹，空口食都絕冇問題；肉質鬆化鮮味，呢道菜深得我心！流心蛋甜甜地又帶點鹹香，同樣出色！✨石鍋鹹肉菜炒飯 $108石鍋好熱，店員細心提示我地唔好辣親，石鍋嘅熱力keep到飯嘅温度，我地慢慢食，個飯都仲可以保持溫暖。雖然炒飯賣相睇落白白地，當初擔心會唔會太啖口，點知
經過呢間有賣茶飲嘅中菜館，就俾佢吸引住！茶飲有特色，仲有唔少啱我心水嘅上海菜！即刻拉埋老公入去試下。
睇完menu，好多嘢都心思思好想試！最後叫咗以下💁🏻♀️
✨雞絲粉皮 $68鐘意佢地嘅雞絲唔會太幼，咁先有口感；配埋清甜爽脆嘅青瓜絲，同煙韌彈牙嘅粉皮，麻醬香濃得嚟又甜甜地，的確係個開胃又好味嘅前菜！
✨臭豆腐 $78豆腐聞落夠臭，食落都夠臭喎！有水準！點埋海鮮醬同豆瓣醬，非常香口惹味，食到停唔到口！諗返都流口水🤤
✨鮮肉鍋貼 $50鮮肉鍋貼皮帶點煙韌，厚薄適中，餡料飽滿，一咬開爆哂肉汁，好juicy！鍋貼底脆脆地，正！
✨外婆紅燒肉流心蛋 $138每次食上海菜都必叫我最深愛嘅外婆紅燒肉！呢度嘅五花腩舊舊都肥瘦相間，分佈均勻，唔會成舊肥膏冇肉都照上碟，值得一讚！
食落好入味，但唔會過鹹，空口食都絕冇問題；肉質鬆化鮮味，呢道菜深得我心！
流心蛋甜甜地又帶點鹹香，同樣出色！
✨石鍋鹹肉菜炒飯 $108石鍋好熱，店員細心提示我地唔好辣親，石鍋嘅熱力keep到飯嘅温度，我地慢慢食，個飯都仲可以保持溫暖。
雖然炒飯賣相睇落白白地，當初擔心會唔會太啖口，點知食落好有驚喜，鹹肉嘅鹹香好惹味，唔會過鹹或太淡，味道啱啱好，配埋大量菜粒，好食又感覺健康。
✨炸芝麻團(5隻) $45炸芝麻團，好好食呀！好想買多個走做宵夜！
芝麻波波外表金黃，圓轆轆好可愛，面層鋪滿黑白芝麻，食落非常脆口，內裡就煙煙韌韌，口感一流，入面嘅芝麻餡味道香濃！仲有值得一提嘅係，佢一啲都唔油膩，炸得乾身，我一個人忍唔住食咗3粒都唔覺漏✌🏻
佢地嘅飲品都配上有趣名字，選擇亦都唔少，有芝士雲系列、果茶系列、清新系列、果味龍；除咗茶飲，仲有汽水同酒。✨沉實爸爸 $40
沉實爸爸係芝麻芝士雲加伯爵茶，芝麻芝士雲滑溜，伯爵茶清香，係個幾有特色嘅清新配搭。
✨艷麗表姐 $34
玫瑰荔枝茉莉茶加杞子，味道豐富，好清甜。
Post
