燈籠滷味 (朗豪坊)

Open Now

Now Closed

成日經過銅鑼灣分店都見到大排長龍，上次一心諗住排隊食又話已經截左龍。心諗我同呢間野應該無緣啦，點知有日朝早喺旺角睇完醫生肚餓咁啱見到朗豪坊貼左佢嘅廣告，就決定左係佢啦。佢喺food count行前幾個舖位，上到去都未開門。開門後我哋係第一枱入座，但唔洗半個鐘成個場就full左，真係好誇張。我哋叫左芋泥肉鬆蛋餅、滷味、鹽酥雞同肉燥飯。佢呢度價錢都好公道，小食類都係40至50蚊就叫到，價錢喺香港黎講都好台式呀，哈哈。佢個肉燥飯啲豬肉肥瘦均勻，個汁都滷得好入味，肉燥分量可以撈匀成個飯食，控制得啱啱好。肥肉部分融喺口嘅感覺真係好幸福。反而滷味冇咩特別吸引到我，叫左個麵底，但湯少得可憐。唔知係咪啱開門未滷得入味，啲料都唔係好吸到滷汁嘅味。至於蛋餅，其實佢可以揀花生醬火腿，不過我個人唔好花生醬，所以揀左芋泥肉鬆。佢啲餡料一啲都唔馬虎，好足料。芋泥充滿左三分二個蛋餅，甜甜地再加鹹鹹地嘅肉鬆，係雙層嘅味道。蛋餅都煎得脆，又薄，唔會好難先咬得爛。最後鹽酥雞就正常發揮啦，都冇乜點食過難食嘅鹽酥雞，係真愛呀~不得不提，佢呢度嘅裝修好有台灣老街嘅風情，有一面牆仲掛住哂寫有台灣特色嘅字句同食物嘅霓虹燈，好有80