泰排檔

Open Now

Now Closed

無論平日定周末，住喺附近嘅朋友話，lunch都要排十幾分鐘，但食物質素對得住價錢，完全值得呢次終於試到上次miss咗嘅船麵湯底濃郁中帶少少香辣，啱啱好唔會搶味，內裡和牛片嫩滑入味，金邊粉吸收晒湯汁，每一啖都充滿層次感。醉貓炒河係念念不忘，粉炒得乾身夠鑊氣，配上香濃泰式醬料，食到停唔到口。新試嘅粟米蝦餅外層炸得金黃香脆，中間蝦肉同粟米咬落鮮甜多汁 。沙嗲雞串燒就更加唔使講，香料層次豐富，沙嗲醬惹味濃郁，最後再加上一份椰子雪糕作結 。飲品方面，原來lunch $8一杯嘅泰茶真係超抵主打正宗泰式街頭料理，所有食材，包括香料、蒜頭，都係直接從泰國入口，務求保留最原汁原味嘅地道風味。主廚更曾喺米芝蓮級泰菜餐廳Samsen掌勺，技術一流，彷彿置身曼谷嘅街頭巷尾。 平民化價錢配上高水準出品，無怪乎泰排檔每到飯市都吸引咁多人慕名而來。下次黎一定再叫炒河同船麵！