劉興記生煎包專門店

Open Now

Now Closed

早排好多佢嘅報導，係逆市中都可以由一間變幾間，真係好想知係咪好食到咁🤣大圍分店唔大，而且坐得比較迫，可以話係快食之選。🌱招牌生煎包: 外層煎得香脆，但收口位有少少硬。味道唔會過濃，湯汁真係好多，唔小心一咬落去，湯汁直噴鼻孔…. 同成件衫都係😎（見圖三）🌱上海排骨湯麵: 湯底偏淡兼有少少油，麵質正常。排骨偏乾，味道尚可，配上蛋絲及菜心一條，誠意搭夠🌱生炸雞扒湯麵：湯底同麵底同上，反而炸雞扒有少少驚喜，外層炸得幾脆，粉漿夠薄，而且肉質都嫩滑整體嚟講，生煎包係幾出色，見晚市6:00 都開始排長龍。