金源燒腊茶餐廳

Open Now

Now Closed

今日同老公又出黎行街， 幫屋企走左既仙人問少少野， 之後就去左食燒味飯。 諗唔到多食評既金源有不少棒場客， 由我地坐低到走，都不停有客人入黎堂食同外賣， 可想而知， lee到既燒味質數唔差。叉燒併油雞飯：油雞食唔到有雪味，d雞肉鬆軟， 唔會過老。叉燒半肥瘦，唔算鬆軟，我最愛既叉燒都係深水埗金華， 但金源叉燒算唔錯。燒肉併燒鴨飯：燒肉係脆唔會過咸， 但皮同肉分離左， 少少失望。燒鴨冇so味，皮脆而且醬料入味。44蚊有雙併飯跟餐有例湯，加3蚊有奶茶咖啡。老公話既奶茶出色， 確實係有茶味又唔會太澀。係抵食。