八方棧

Open Now

Now Closed

本身都喜歡飲茶，尤其係放假，坐得舒舒服服飲茶食點心，輕輕鬆鬆消磨一下時間科學園新開了一間中菜館《八方棧》，早午市就可以飲茶食點心，晚市就提供多款京滬粵菜，只係一海之隔嘅我就先去試咗午市點心全店採用落地玻璃，遠望吐露港海景，另外還設有寵物友善露天茶座，非常貼心🥢妃子笑鹹水角 - 荔枝造型非常像真，咬落外皮酥脆煙韌，內裡啖啖肉，保留傳統鹹水角味道🥢蔬汁金柚雪山包 - 外皮酥鬆香軟，餡料就由平時嘅叉燒換上金柚和蔬菜，味道鮮甜，非常特別🥢綠茶開心果蛋撻 - 用了綠茶製作撻皮，食落香濃酥脆，蛋漿夠滑，加入開心果碎增加了口感🥢脆皮麻辣抄手 - 有別於平時食嘅紅油抄手，外皮香脆可口，非常有創意🥢蟹籽蝦多士 - 炸至金黃香脆，上枱時還熱辣辣，加了蟹籽口感脆卜卜，非常推介另外還點了多款點心，全部都精緻又美味🥢黑毛豬叉燒滑腸粉🥢蘿蔔絲酥餅🥢招牌流沙包🥢潮州蒸粉果🥢金網脆煎鍋貼🥢上海粗炒