Video
Read full review
2023-07-01
593 views
#搞串個pantry香港人🇭🇰一年四季不分畫夜😎都可以打邊爐🍲，#打邊爐 就係有種魔力，令你沉迷，望住啲嘢食碌下碌下、滾下滾下，真係好正😝！！今次去到一間有好多分店嘅牛肉火鍋專門店，感受下打邊爐嘅魔力🧙🏻♂️🪄！我哋就嚟位於#尖沙咀 嘅分店，呢度主要係將牛肉🐄分成好多唔同部位，即係同潮仙牛肉火鍋一樣，會有吊龍伴、五花趾呢啲部位。而每間分店啲裝修風格☘️都會有少少唔同。今次我哋嗌咗一個二人套餐($288)💰，包括牛肉清湯底，牛肉嘅部分就有：🔴匙柄、🔵牛駝峰、🟢五花趾、🟡橫隔肌，蔬菜就有：🟠娃娃菜、🟣金菇、⚫️蜂巢豆腐、⚪️芋絲，另外仲有🟤炸魚皮、⭕️烏冬，仲包兩支嘢飲，我哋就叫咗菊花桂圓露🍸、玫瑰洛神茶🌹。同埋，額外叫多一碟胸口膀($48)。每碟牛嘅數量大約有10塊，成個二人餐好飽🥳。而二人所預設牛嘅部位嘅口感都各有不同，五花趾就有筋，食落口比較脆身🫦。牛駝峰同橫隔肌就有少少油脂感🥩，但係肉質就比較粗糙。匙柄望落就無乜油脂，但食落牛味重，而且相當嫩🤤。而我哋額外叫嘅胸口膀，係用嚟整隱藏食法🤩🤩！！⛔️⛔️呢個絕密食法⛔️⛔️就係每次夾一塊胸口膀，再加一塊其他部位嘅牛肉(建議一啲多油花嘅牛)一齊烚，之後再
香港人🇭🇰一年四季不分畫夜😎都可以打邊爐🍲，#打邊爐 就係有種魔力，令你沉迷，望住啲嘢食碌下碌下、滾下滾下，真係好正😝！！今次去到一間有好多分店嘅牛肉火鍋專門店，感受下打邊爐嘅魔力🧙🏻♂️🪄！
我哋就嚟位於#尖沙咀 嘅分店，呢度主要係將牛肉🐄分成好多唔同部位，即係同潮仙牛肉火鍋一樣，會有吊龍伴、五花趾呢啲部位。而每間分店啲裝修風格☘️都會有少少唔同。今次我哋嗌咗一個二人套餐($288)💰，包括牛肉清湯底，牛肉嘅部分就有：🔴匙柄、🔵牛駝峰、🟢五花趾、🟡橫隔肌，蔬菜就有：🟠娃娃菜、🟣金菇、⚫️蜂巢豆腐、⚪️芋絲，另外仲有🟤炸魚皮、⭕️烏冬，仲包兩支嘢飲，我哋就叫咗菊花桂圓露🍸、玫瑰洛神茶🌹。同埋，額外叫多一碟胸口膀($48)。
每碟牛嘅數量大約有10塊，成個二人餐好飽🥳。而二人所預設牛嘅部位嘅口感都各有不同，五花趾就有筋，食落口比較脆身🫦。牛駝峰同橫隔肌就有少少油脂感🥩，但係肉質就比較粗糙。匙柄望落就無乜油脂，但食落牛味重，而且相當嫩🤤。而我哋額外叫嘅胸口膀，係用嚟整隱藏食法🤩🤩！！
⛔️⛔️呢個絕密食法⛔️⛔️
就係每次夾一塊胸口膀，再加一塊其他部位嘅牛肉(建議一啲多油花嘅牛)一齊烚，之後再一齊食，勁好食😋！！！胸口膀爽脆油脂嘅口感，再加上軟腍嘅牛肉，無得輸！！
而舖頭提供嘅醬料🧂，除咗有普通嘅豉油，仲有特製嘅牛油醬油，味道偏甜，但激重牛脂味，非常適合用嚟點牛肉🤩！！呢間連鎖牛肉火鍋，應承我，大家一定一定要去試😤！！
Post
