Video
Read full review
2024-03-16
5533 views
🎵 I can show you the world 🎶 迪士尼嘅好萊塢酒店自助早餐有咩素食呢？一齊嚟睇下。👁️👁️望落好似糯米飯呢係炒飯嚟嘅，冇肉㗎，有啲冬菇碎同三色豆，應該加咗豉油炒（老抽啩，我唔識煮飯 sorry 😂）。由於炒得好乾身，所以真係有食緊糯米飯嘅感覺，好好食呀。😛幾款點心之中，竟然都照顧到素食者喎，除咗有奶皇包，仲有素餃，係我鍾意嘅厚皮，餡係雜菌嚟嘅，同平時酒樓食到嘅雜菌素餃差唔多。🥟兩款咖哩都係素食嚟嘅，利申冇食，因為晨早流流唔想食咖哩 😅。睇返相片一款係鷹嘴豆，一款係車厘茄，蕃茄，青椒咁上下啦 😸。附近有啲印度薄脆比大家點咖哩食。兩款粥之中，素食者可以食嘅係邊款呢？當然係白粥啦，另一款係皮蛋瘦肉粥。港式混醬腸粉都有，可以用嚟送白粥食。😊有粥有飯，中國四大發明嘅粉同麵都唔缺少喎，啲麵好特別，有南瓜麵，薯仔麵，菠菜麵等，佢都有即食麵但唔知係咪呢排好 hit 嘅大光麵喇。壞消息係個湯係豬骨湯嚟嘅，素友們可以視乎自己素食尺度決定食唔食喇，或者唔要湯當撈麵食都 okay。👌🏻新年食糕仲食唔夠嘅朋友，呢度有蘿蔔糕同芋頭糕，蘿蔔糕有蝦米臘肉就唔意外啦，芋頭糕素友們可以食，我食過都幾
望落好似糯米飯呢係炒飯嚟嘅，冇肉㗎，有啲冬菇碎同三色豆，應該加咗豉油炒（老抽啩，我唔識煮飯 sorry 😂）。由於炒得好乾身，所以真係有食緊糯米飯嘅感覺，好好食呀。😛
炒飯
60 views
0 likes
0 comments
幾款點心之中，竟然都照顧到素食者喎，除咗有奶皇包，仲有素餃，係我鍾意嘅厚皮，餡係雜菌嚟嘅，同平時酒樓食到嘅雜菌素餃差唔多。🥟
素餃
121 views
0 likes
0 comments
兩款咖哩都係素食嚟嘅，利申冇食，因為晨早流流唔想食咖哩 😅。睇返相片一款係鷹嘴豆，一款係車厘茄，蕃茄，青椒咁上下啦 😸。附近有啲印度薄脆比大家點咖哩食。
咖哩
72 views
0 likes
0 comments
兩款粥之中，素食者可以食嘅係邊款呢？當然係白粥啦，另一款係皮蛋瘦肉粥。港式混醬腸粉都有，可以用嚟送白粥食。😊
白粥，混醬腸粉
50 views
0 likes
0 comments
有粥有飯，中國四大發明嘅粉同麵都唔缺少喎，啲麵好特別，有南瓜麵，薯仔麵，菠菜麵等，佢都有即食麵但唔知係咪呢排好 hit 嘅大光麵喇。壞消息係個湯係豬骨湯嚟嘅，素友們可以視乎自己素食尺度決定食唔食喇，或者唔要湯當撈麵食都 okay。👌🏻
即煮粉麵
60 views
0 likes
0 comments
新年食糕仲食唔夠嘅朋友，呢度有蘿蔔糕同芋頭糕，蘿蔔糕有蝦米臘肉就唔意外啦，芋頭糕素友們可以食，我食過都幾好食，好香口同非常足料。💪🏻
小朋友最愛嘅三角薯餅同雞蛋都有，水有三種狀態大家都知，自助早餐嘅蛋都係，包括 scrambled eggs，荷包蛋，同烚蛋。通常酒店嘅 scrambled eggs 唔會太差啦，但呢度食落去杰撻撻咁，有點怪，可能落太多牛油？荷包蛋就唔錯，烚蛋冇食。🥚
薯餅，煎蛋，炒蛋
95 views
0 likes
0 comments
早餐嘅飲品換咗做奶，除咗牛奶，仲有燕麥奶同豆醬。燕麥奶夠凍又香甜，豆漿豆味好濃郁，各有各好飲。🥛
燕麥奶，豆漿
90 views
0 likes
0 comments
麵包餅類方面，麵包有牛油，蜜糖同果醬可供搽麵包。萄撻熱辣辣超好食。熱香餅我冇食，但賣相唔錯。另外有米奇（朱古力味）同小熊維尼（藍莓味）造型鬆餅，除咗靚之外都好好味。🧁
葡撻，熱香餅
111 views
0 likes
0 comments
鬆餅
66 views
0 likes
0 comments
佢有啲凍瑞士麥皮，問過成份有忌廉同奶嘅，仲加咗啲果仁。當然唔少得有生果同各款味道嘅杯裝乳酪。🍧
至於琴晚出現過嘅薄餅，冷麵同沙律，早餐都見到喎，當然我冇做個記號睇下係咪琴晚食剩㗎啦。😀
總括嚟講，迪士尼好萊塢嘅自助餐，素食者冇咗果種比錢入嚟陪人食嘢嘅感覺，真係食得飽之餘，可以食嘅款式都算多。雖然價錢唔平啦，例呢個早餐獨立買要 $288，但食得開心偶一為之都 okay 嘅。🤠
雜菜，車厘茄
41 views
0 likes
0 comments
Post
