Video
Read full review
2010-01-20
37 views
20-1-2010近年開了幾間名牌朱古力店, 身為朱古力愛好者及喜歡「追名逐利」的「港女」, 卻一間都未食過, 呢日 lunch 後買嘢飲, 捨棄 IFC「加油站」的 caffe latte (http://www.openrice.com/restaurant/commentdetail.htm?commentid=2033426), 嚟到「舊公司」樓下飲杯熱朱古力.原本想買 Guayaquil, 但店員姐姐話會「有呍呢嗱香味」, Caracas (來自 Venezula)「朱古力味會更濃」, 立即轉軚要了後者 ($50)... 打開杯蓋, 立即見到好深色, 質地杰杰的朱古力漿 , 跟住聞到好香好濃的黑朱古力味, 好吸引. 飲落質感一樣濃稠, 朱古力味極濃極 dark, 甜度剛好, 亦當然帶點甘苦, 但又好似有點果香, 跟住個口有點 "acidic" 的感覺, 幾複雜. 好喜歡「純正」成咁的味道, 絕對值得試試. 「電梯底」的堂食座位唔少, lunch hour 人客就當然唔多; 服務就絕對值得一讚, 店員姐姐們友善禮貌又夠晒 pro, 果然係星級朱古力店.賣成 $50 一杯,
近年開了幾間名牌朱古力店, 身為朱古力愛好者及喜歡「追名逐利」的「港女」, 卻一間都未食過, 呢日 lunch 後買嘢飲, 捨棄 IFC「加油站」的 caffe latte (http://www.openrice.com/restaurant/commentdetail.htm?commentid=2033426), 嚟到「舊公司」樓下飲杯熱朱古力.
原本想買 Guayaquil, 但店員姐姐話會「有呍呢嗱香味」, Caracas (來自 Venezula)「朱古力味會更濃」, 立即轉軚要了後者 ($50)... 打開杯蓋, 立即見到好深色, 質地杰杰的朱古力漿 , 跟住聞到好香好濃的黑朱古力味, 好吸引. 飲落質感一樣濃稠, 朱古力味極濃極 dark, 甜度剛好, 亦當然帶點甘苦, 但又好似有點果香, 跟住個口有點 "acidic" 的感覺, 幾複雜. 好喜歡「純正」成咁的味道, 絕對值得試試.
「電梯底」的堂食座位唔少, lunch hour 人客就當然唔多; 服務就絕對值得一讚, 店員姐姐們友善禮貌又夠晒 pro, 果然係星級朱古力店.
賣成 $50 一杯, 又值唔值? 日日飲梗係唔得啦, 不過肯定的係, 你願意飲少一日半日「疑似咖啡」, 轉而試一杯呢度的出品, 你一定唔會後悔的.
Post
