皇冠冰室 (Closed)

近年掛住“冰室”名號開既食店越黎越多, 而偏偏又好受大眾歡迎, 有d冰室仲長期排隊添, 依間皇冠冰室唔係話開左好耐, 係佢新開既時間黎食過覺得唔錯後就間中黎開飯。哩間冰室食物種類好多, 中式小菜, 泡飯到西式沙律, 鐵板餐等等都有。今日揀左佢既是日晚餐, 黑椒薯仔牛柳粒賣相唔錯, 碟頭大我諗女仔細食d 2個人share都得。味道ok合格, 但無話特別出色。常餐茄牛通依個茄牛通湯底好濃, 鮮牛份量唔姑寒, 牛油多士烘得幾好。另外想提既係開業無耐個排都唔錯, 但而家服務同衛生都越做越差, 伙記全部靠嗌黎溝通, 真係好嘈, 但見到佢地明明配備左walkie talkie另外就係d枱都總會有上手既食物渣/漬, 伙記只係求其抹一抹枱上可見既垃圾, 但其實坐低左就會見到仍然係污糟, 地下都會有垃圾, 總之清潔方面有d求其啦因為佢慢慢退步緊所以而家都越黎越少去哩度食飯啦, 開業時做到點解而家就做唔到呢~ 希望佢改善番, 咁先長做長有呀。