金禾茶餐廳 (Moved) New Location

記得以前讀書好鍾意食金禾，難得過嚟灣仔做嘢，決定去懷緬一下叫咗兩個下午茶，雞脾薯條以前係必選item，可惜雞髀比以前細隻，亦都冇以前腌得咁好味，炸薯條可能啲油唔夠熱，亦都感覺好油膩好多油由於太肚餓，再叫左一個熱狗沙律，熱狗居然唔係用傳統熱狗包而係用漢堡包黎做，入面有沙律醬再加一條香腸切開兩半，完全失望.. 另外沙律可能放咗一段時間所以有D出水, 而且因為只係用罐頭沙律所以只有甜味... 懷念總是美好的，感情上希望金禾可以保持以前嘅水準，一直係灣仔區唔會被淘汰