熊小館

Open Now

Now Closed

星期日晏就同老公睇完傢俬之後，就黎到呢間有好多熊仔🐻‍❄️嘅餐廳。好多一家大細嘅客人都黎幫襯，基本上每一個角落都會有熊仔嘅蹤影，每一張枱都放左一隻熊仔，餐廳裏面嘅小朋友見到有咁多熊仔都好興奮。叫咗一個二人套餐$298🍲餐湯係歐陸式濃湯配牛油法包🎋法式蛋黃醬焗鮮蘆筍蘆筍顏色清嫩有光澤，係中型size，尚算清甜，加埋蛋黃醬焗都夠入味。🥩深海帶子拼醬燒汁牛柳牛呀😍唔單止軟腍，仲好多汁！再點少少燒汁超夾， 帶子有兩粒，外圍煎得很香脆。有好多薯條🍟，熱熱地都幾好食。🧀芝士焗忌廉菠菜龍利柳飯龍利柳少少鹹，忌廉混合埋菠菜好香濃。甜品：🍮［自家製］心太軟 （跟餐 + $18）和 曲奇味雪糕🍨心太軟好好食😋火候控制得很好，一拔裏面嘅朱古力就熔出留黎。有一球雪糕，上面灑上colourful 嘅糖碎都幾靚。飲品： 草子莓莓（凍）士多啤梨橙汁 （跟餐 +$16）和 橙汁熊熊 🐻（跟餐+$8）兩杯凍飲都好靚😍，當然我最鍾意係橙汁熊熊，成隻冰熊浮係橙汁中好似係度bath 緊，超可愛。