Video
Read full review
2019-07-13
36 views
夏日熱辣辣，行到上pmq附近成身大汗，抬頭一望見到呢兩年好hit既% Arabica，當然要入去涼下冷氣順便打個卡🤣我order左一向最鐘意既iced matcha latte，平時盡量唔吸收咁多奶類製品，見到menu入面寫住可以加五蚊轉用almond milk、soy milk、或者oatmilk，即刻心心眼左， 以後唔飲牛奶既朋友又多個選擇啦！問一問店員覺得抹茶配邊種係最夾，佢就推介燕麥奶，同時細心提醒我，本身抹茶個base都含有少量牛奶，所以如果係對牛奶過敏，就唔建議嗌呢度既matcha latte。試完之後，發現燕麥奶同抹茶原來係好朋友，呢個配搭完全不比牛奶失色，甚至可以話係好飲得驚人！呢度既matcha latte係用日本抹茶粉，所以抹茶味香濃又唔會甘澀，同讀書時最鍾意喺連鎖咖啡店飲嘅好唔同，唔會有浸死甜味道，入口順滑好舒服。一向鍾意飲咖啡嘅朋友就叫咗tall latte($45)，咖啡豆方面選擇咗佢地自家既blend，朋友仔表示牛奶同咖啡濃度好平衡，細味一下會感受到深炒咖啡豆既香醇味。係鋪頭兜一個圈，發現呢度除咗有得飲咖啡，仲可以輕輕購物一下，有咖啡杯有波鞋有布袋，全部同鋪
我order左一向最鐘意既iced matcha latte，平時盡量唔吸收咁多奶類製品，見到menu入面寫住可以加五蚊轉用almond milk、soy milk、或者oatmilk，即刻心心眼左， 以後唔飲牛奶既朋友又多個選擇啦！問一問店員覺得抹茶配邊種係最夾，佢就推介燕麥奶，同時細心提醒我，本身抹茶個base都含有少量牛奶，所以如果係對牛奶過敏，就唔建議嗌呢度既matcha latte。
試完之後，發現燕麥奶同抹茶原來係好朋友，呢個配搭完全不比牛奶失色，甚至可以話係好飲得驚人！呢度既matcha latte係用日本抹茶粉，所以抹茶味香濃又唔會甘澀，同讀書時最鍾意喺連鎖咖啡店飲嘅好唔同，唔會有浸死甜味道，入口順滑好舒服。
一向鍾意飲咖啡嘅朋友就叫咗tall latte($45)，咖啡豆方面選擇咗佢地自家既blend，朋友仔表示牛奶同咖啡濃度好平衡，細味一下會感受到深炒咖啡豆既香醇味。
係鋪頭兜一個圈，發現呢度除咗有得飲咖啡，仲可以輕輕購物一下，有咖啡杯有波鞋有布袋，全部同鋪頭設計一樣都係走簡約白色日本風，咖啡迷就可以喺度賣新鮮既自家烘焙咖啡豆，仲可以自選烘焙程度家添！
行去鋪頭最入，可以見到存放咖啡豆同烘豆機既地方，原來呢間分店比其他分店更優勝嘅係，呢度係用Probat烘豆機，係黎自德國既咖啡界名牌，好多國家既烘豆機都係仿它的原理製造架！佢既滾筒設計係前後左右轉動既方式，加上獨特既葉片設計，令咖啡豆永遠處於翻炒既狀態，平均地受熱，質素好有保證架
Post
