迷客夏 (利園山道)

Open Now

Now Closed

見到門口有米豬連指南，就入去買杯試下。見到佢門口擺個ranking第二名就係呢個珍珠伯爵紅茶拿鐵，就試呢個喇。叫咗少冰，正常甜度。由於無乜人排隊，好快就有得攞。首先坦白講，第一眼見到係有啲失望，見到嘅就係一杯好普通嘅珍珠奶茶咁，簡單到你唔會期待佢嘅奶茶係好好飲。但佢有特別嘅地方嘅地方，就係佢嘅珍珠係透明嘅，感覺會比黑色嘅珍珠好味啲。第一啖吸入口，果然，奶茶普通到無得再普通，雖然個名好似好勁，伯爵紅茶拿鐵，但同其他店舖嘅奶茶無乜分別。但係佢嘅珍珠係幾好食，無黑色嘅珍珠食到個人好滯嘅感覺，有啲新鮮感。但$29一杯味道普通嘅奶茶嚟講，價錢有啲貴，可能下次會買ranking嘅第一名再試。